काठमाण्डाै । नेपाल लाईफ इन्स्याेरेन्सले स्वेच्छिक अवकाश याेजनाकाे म्याद एक साता थपेकाे छ। स्वेच्छिक अवकाश राेज्नका लागी कर्मचारीले अपेक्षितरुपमा चासाे नदेखाएपछि स्वेच्छिक अवकाश याेजनामा सहभागीताका लागी चैत्र २ गतेसम्मकाे अवधि थपेकाे हाे ।
नेपाल लाईफकाे संचालक समितिले करिब ३०० कर्मचारीलाई संस्थाबाट बिदाई गर्ने लक्ष्य सहित पहिलाे पटक गत फागुन ५ गते स्वेच्छिक अवकाश याेजना घाेषणा गरेकाे हाे । २०७९ फागुन ८ गतेदेखि २५ गतेभित्रमा निवेदन पेश गर्नका लागि सूचना गरेकाेमा अपेक्षितरुपमा कर्मचारीले सहभागीता जनाएनन् । कम्पनीकाे उच्च व्यवस्थापनले यस अवधिमा कतिपय कर्मचारीलाई अपायक ठाउँमा सरुवा गरेर अवकाश राेज्नका लागी बाध्य बनाउने रणनीति अपनाए पनि ती कर्मचारीले समेत अवकाश राेज्न इन्कार गरेका छन् ।
२५ वर्ष लामाे समय देखि संचालनमा रहेकाे याे कम्पनीले उच्च माध्यमिक विद्यालय तह (प्लस टु) वा सो भन्दा तल्लो तहको शैक्षिक योग्यता भएका र एक वर्ष सेवा अवधि पुरा गरेका कर्मचारीको लागि ‘स्वेच्छिक अवकाश योजना घोषणा’ गरेकाे हाे।
संचालक समितिले अवकाश योजना रोज्ने कर्मचारीलाई आधारभूत तलब मात्र दिने घोषणा गरेको छ। आधारभूत तलबको आधारमा भुक्तानी लिंदा कर्मचारीले खाईपाई आएको तलब सुविधाको जम्मा ६० प्रतिशत रकम मात्र पाउनेछन् । यसबाहेक लाभ करको भार समेत थपिने भएकाले अवकाश रोज्ने कर्मचारीहरु अन्यायमा पर्ने देखिएको छ।
नेपाल लाईफले कर्मचारी स्वेच्छिक अवकाश याेजनाकाे म्याद एक साता थप्याे
आर्थीकसंसार संवाददाता२७ फागुन, २०७९
२७ फागुन, २०७९- क्रेष्ट माइक्रो लाइफले आईपीओ निष्काशन गर्ने, बिक्री प्रबन्धकमा एनआईएमबी एस क्यापिटल
- सूर्यज्योति लाइफ इन्स्योरेन्सको १६औं वार्षिक साधारणसभा सम्पन्न
- कोशी प्रदेशस्थित जीवन बीमकका कर्मचारीलाई बीमा सम्बन्धी एक दिने तालिम प्रदान
- बीमा दाबी भुक्तानी छिटोछरितो बनाउनुपर्ने
- गुहेश्वरी मर्चेण्ट बैंकिङ्ग एण्ड फाइनान्सले सुरु गर्यो क्यूआर टेलर
- एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन
- प्रभु बैंकमा दुई सञ्चालक नियुक्त
- लुम्बिनी विकास बैंकले नेपाल रेडक्रस सोसाइटीलाई दियो प्रयोगशाला उपकरण
- आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने
- जीवन बीमाका लागि अभिकर्ता घरदैलो धाएपनि कृषि बीमाका लागि अभिकर्ता भेट्न मुश्किल भएको गुनासो