२० मंसिर, २०८०काठमाडौं। समृद्धि फाइनान्स कम्पनी लिमिटेडले मंगलबार कपिलवस्तुको खरेन्द्रपुरस्थित गौतम बुद्ध पोलिक्लिनिक प्रालि र हाम्रो केक तथा दूध डेरीसँग छुट सम्झौता गरेको छ।
समझदारीअन्तर्गत समृद्धि फाइनान्सका ग्राहकले २०८० मंसिर १९ गतेदेखि २०८१ मंसिर १८ गतेसम्म समृद्धि मोबाइल बैंकिङ, डेबिड कार्ड तथा क्यूआर प्रयोग गरी समझदारी भएका पोलिक्लिनिक तथा डेरीमा वस्तु तथा सेवाको उपभोग गरी भुक्तानी गर्दा भारी छुट पाउनेछन्। यो सुविधाबाट फाइनान्सका सम्पूर्ण ग्राहकहरु लाभान्वित हुने विश्वास फाइनान्सले लिएको छ।
फाइनान्सका ग्राहकले गौतम बुद्ध पोलिक्लिनिकमा नियमित ओपीडी चार्जमा १०० प्रतिशत छुट, वेड चार्ज, एक्सरे चार्ज र ल्याब चार्जमा २० प्रतिशत छुट र औषधिमा १० प्रतिशत छुट प्राप्त गर्नेछन्। यसका साथै हाम्रो केक तथा दूध डेरीमा सबै किसिमका बेकरी प्रडक्टमा समृद्धि फाइनान्सका ग्राहकले ५ प्रतिशत छुट प्राप्त गर्नेछन्।
