काठमाडौं । पछिल्लो २४ घण्टाको अवधिमा देशभर २ हजार ८ सय १७ जनामा कोरोना संक्रमित भएको छ । सरकारले कोरोना संक्रमितको उपचारमा शुल्क लिने निर्णय गरेसँगै देशभर कोरोनाको उपचारका लागि अस्पताल जानेको संख्या ह्वात्तै घटेको छ भने हाल देशभर ६ हजार २ सय २२ जना मात्रै संस्थागत आइसोलेशनमा रहेको कुरा स्वास्थ्य तथा जनसंख्या मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार प्रदेश १ मा १ हजार ३४, प्रदेश २ मा ३३, बागमती प्रदेशमा ३ हजार ५ सय १२, गण्डकी प्रदेशमा १ हजार २ सय ६३, लुम्बिनी प्रदेशमा १ हजार २ सय ४७, कर्णाली प्रदेशमा १४ र सुदूरपश्चिम प्रदेशमा ४७ जना संक्रमित संस्थागत आइसोलेशनमा रहेका छन् ।
सरकारले अशक्त, अपाङ्ग तथा जेष्ठ नागरिकबाहेक अन्यको उपचारमा शुल्क लिने निर्णय गरेसँगै चर्काे शुल्क लाग्ने भएपछि संक्रमितहरु होम आइसोलशेनमै बस्न थालेका हुन् । मन्त्रालयका प्रवक्ता डा.जागेश्वर गौतमले हाल होम आइसोलेशनमा २९ हजार १ सय ९७ जना संक्रमित रहेको आइतबारको नियमित प्रेस ब्रिफिङमा बताएका छन् । देशभर होम आइसोलेशन र संस्थागत आइसोलेशनमा गरी ३५ हजार ४१९ सक्रिय संक्रमित रहेका छन् । गौतमका अनुसार बितेको २४ घण्टामा पीसीआर थप १२ हजार ३ सय ११ जनाको भएको छ भने नयाँ संक्रमित २ हजार ८ सय १७ जना थपिएका छन् । यसैगरी काठमाडौं उपत्यकामा १ हजार ५ सय ३३ संक्रमित थपिएका छन् । जसमा काठमाडौंमा १ हजार २ सय ९४, भक्तपुरमा ७७ र ललितपुरमा १ सय ६२ जनामा संक्रमण पुष्टि भएको छ ।
यस्तै बितेको २४ घण्टामा थप २ हजार ८ सय १२ जना संक्रमणमुक्त भएपछि निको हुनेको कुल संख्या १ लाख ५७ हजार ९ सय २६ पुगेको छ । बितेको २४ घण्टामा थप २१ जनाको मृत्यु भएको छ । योसँगै मृतकको कुल संख्या १ हजार १ सय ८ पुगेको छ ।
देशभर २ हजार ८ सय १७ कोरोना संक्रमित थपिए
आर्थीकसंसार संवाददाता२३ कार्तिक, २०७७
२३ कार्तिक, २०७७- सानिमा रिलायन्सले कर्मचारीको ज्ञान र क्षमता विकास गर्न गर्यो प्रशिक्षण कार्यक्रम
- राष्ट्रिय वाणिज्य बैंकद्वारा बाढीपहिरो र डुबानबाट प्रभावित तथा पीडितको सहायताका लागि दुई करोड रुपैंया आर्थिक सहयोग प्रदान
- लाभांश वितरण गर्दै फरवार्ड माइक्रोफाइनान्स
- ज्योति विकास बैंकका ग्राहकलाई चितवनको जंगल भिल्ला रिसोर्टमा छुट
- बाढी-पहिरो पीडितलाई सहयोग गर्न एमाले सांसदहरूले आधा महिनाको पारिश्रमिक दिने
- सन नेपाल लाइफ इन्स्योरेन्सको लगनखेल शाखा स्थानान्तरण
- सिटिजन लाइफका कर्मचारीलाई व्यक्तित्व विकास तालिम
- आईसीएफसी फाइनान्सका ग्राहकलाई बुद्ध एयरमा आकर्षण छुट
- नख्खु बाढीमा पसी बगाएकालाई बचाउने तामाङलाई प्रभु महालक्ष्मी लाइफको सम्मान
- मजदुरबाट आफ्नै सफारीको मालिक बने १० परिवार