३ असोज, २०८०काठमाडौं । मुक्तिनाथ फाउन्डेसनले आफ्नो दोस्रो वार्षिकोत्सव अवसरमा बृहत रक्तदान रक्तदान कार्यक्रम सम्पन्न गरेको छ। वार्षिकोत्सवको अवसरमा आइतबार आयोजित रक्तदान कार्यक्रममा ३८ पिन्ट रगत संकलन गरेको छ। कार्यक्रमलाई त्रिवि शिक्षण अस्पतालबाट प्राविधिक सहयोग प्राप्त भएको संस्थाले जनाएको छ।
संस्थाका सञ्चालक नारायणकुमार श्रेष्ठको संयोजकत्वमा सम्पन्न कार्यक्रममा संस्थाका अध्यक्ष भरतराज ढकालले रक्तदाता तथा कार्यक्रम सम्पन्न गर्न सहयोग गर्ने सम्पूर्णलाई धन्यवाद दिए।
बागमती सरसफाइ कार्यक्रममा सहभागिता, विश्व वातावरण दिवसका अवसरमा टोखा नगरपालिकालगायत देशका विभिन्न स्थानमा बृहत वृक्षारोण कार्यक्रम गरिसकेको छ।
मुक्तिनाथ फाउन्डेसन सामाजिक तथा आर्थिक रुपले पछाडि परेका र पारिएका व्यक्ति तथा समुदायहरुलाई प्रत्यक्ष सहयोग गरी सकारात्मक रुपान्तरण गर्ने उद्देश्यले स्थापित भएको हो ।