काठमाडौं । ग्लोबल आइएमई बैंकले चालु आर्थिक वर्षको पहिलो तीन महिनामा एक अर्ब ५ करोड रुपैयाँ बराबरको खुद नाफा कमाएको छ । जुन गत आर्थिक वर्षको सोही अवधिको तुलनामा साढे ४० प्रतिशत बढी हो । बैंकले गत आर्थिक वर्षको पहिलो त्रैमास अर्थात असोज मसान्तसम्ममा ७५ करोड ३१ लाख रुपैयाँ खुद नाफा कमाएको थियो ।
समीक्षा अवधिमा बैंकको खुद नाफासँगै खुद ब्याज आम्दानी र सञ्चालन मुनाफा दुवैमा बृद्धि भएको छ । गत असोज मसान्तसम्ममा बैंकको खुद ब्याज आम्दानी बढेर २ अर्ब ५९ करोड र सञ्चालन मुनाफा बढेर १ अर्ब ४७ करोड रुपैयाँ पुगेको बैंकले जनाएको छ ।
बैंकको चुक्ता पुँजी १८ अर्ब ९७ करोड रुपैयाँ रहेको छ । समीक्षा अवधिमा बैंकको जगेडा कोषको रकम बढेर ९ अर्ब २६ करोड रुपैयाँ सञ्चित रहेको छ । जुन गत आवको सोही अवधिमा ८ अर्ब ४१ करोड रुपैयाँ सञ्चित थियो ।
बैंकको निक्षेप संकलन र कर्जा लगानी बढेर क्रमशः २ खर्ब २४ अर्ब रुपैयाँ र १ खर्ब ९५ अर्ब रुपैयाँ पुगेको छ । जुन गत आवको पहिलो तीन महिनामा क्रमशः २ खर्ब १२ अर्ब रुपैयाँ र १ खर्ब ८९ अर्ब रुपैयाँ कायम रहेको थियो ।
समीक्षा अवधिमा बैंकको प्रतिसेयर आम्दानी २२.३२ रुपैयाँ रहेको छ । जुन गत आवको असोज मसान्तको तुलनामा ६.५५ रुपैयाँले घटी हो । गत आर्थिक वर्षको असोज मसान्तमा बैंकको प्रतिसेयर आम्दानी २८.८७ रुपैयाँ रहेको थियो । त्यसैगरी, बैंकको प्रतिसेयर नेटवर्थ १५८.५९ रुपैयाँ र मूल्य आम्दानी अनुपात १२.१९ गुणा रहेको छ । त्यस्तै, बैंकको निष्क्रिय कर्जा अनुपात बढेर १.८३ प्रतिशत पुगेको छ । आधार दर घटेर ७.२५ प्रतिशत र स्प्रेडदर बढेर ५.०३ प्रतिशत रहेको छ ।
ग्लोबल आइएमई बैंकको एक अर्ब बढी नाफा
आर्थीकसंसार संवाददाता२७ कार्तिक, २०७७
२७ कार्तिक, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण