आर्थीकसंसार संवाददाता३ कार्तिक, २०८०
३ कार्तिक, २०८०काठमाडौं । कामना सेवा विकास बैंक चालु आर्थिक वर्षको पहिलो त्रैमासिक रिपोर्ट सार्वजनिक गर्ने पहिलो विकास बैंक बनेको छ ।
चालु आर्थिक वर्षको पहिलो ३ महिनामा बैंकले ११ करोड ९५ लाख खुद नाफा गरेको छ । गत आर्थिक वर्षको पहिलो त्रैमासमा ४ करोड १५ लाख खुद नाफा गरेको कम्पनीको नाफा १८७ दशमलव ५८ प्रतिशतले वृद्धि भएको छ ।
३ अर्ब २८ करोड चुक्ता पुँजी भएको कम्पनीको रिटेण्ड अर्निङमा २ करोड ५६ लाख र जगेडामा १ अर्ब ५२ करोड रहेको छ । ५४ अर्ब ८३ करोड निक्षेप संकलन गरेको बैंकले ग्राहकलाई ४३ अर्ब ५१ करोड कर्जा प्रवाह गरेको छ ।
प्रकाशित तथ्यांक अनुसार कम्पनीको प्रति शेयर आम्दानी १४ रुपैयाँ ५७ पैसा, खराब कर्जा ३ दशमलव ४८ प्रतिशत र प्रति शेयर नेट्वर्थ १४७ रुपैयाँ १८ पैसा छ ।
