काठमाडौं । एशियन लाइफ इन्स्योरेन्सको सहयोगमा तारकेश्वर नगरपालिका वडा नम्बर ६ धर्मस्थलीस्थित वडा कार्यालयमा सोमबार ज्येष्ठ नागरिकका लागि स्वास्थ्य शिविरको आयोजना गरिएको छ । धर्मस्थली ज्येष्ठ नागरिक सहयोग तथा अनुगमन समाजले आयोजना गरेको शिविरमा वडा नम्बर ६ का ज्येष्ठ नागरिकहरुको स्वास्थ्य परिक्षण तथा निःशुल्क औषधी वितरण गरिएको थियो ।
बिरामीहरुको स्वास्थ्य परिक्षण स्त्री रोग विशेषज्ञ डा. दिलाशा कार्कीले गरेकी थिइन् । बालरोग विशेषज्ञ डा. निरज खत्री र डा. दिवाकर घिमिरे,रोटरी क्लब गोंगबुका अध्यक्ष महेश्वर मान बस्नेतले स्वास्थ्य शिविरमा स्वयम् सेवकका रुपमा सहयोग गरेका थिए ।
