News Portal

  • देशभर थप २ हजार ७ सय ५३ जनामा कोरोना संक्रमण पुष्टि

    आर्थीकसंसार संवाददाता२२ कार्तिक, २०७७
    १४१० पटक
    २२ कार्तिक, २०७७

    काठमाडौं । बितेको २४ घण्टामा देशभर थप २ हजार ७ सय ५३ जनामा कोरोना भाइरस संक्रमण पुष्टि भएको छ । यससँगै देशभर कोरोना भाइरसको सक्रिय संक्रमित ३५ हजार ४ सय ३५ जना रहेका छन् । स्वास्थ्य तथा जनसंख्या मन्त्रालयले शनिबार दिएको जानकारीअनुसार हाल देशभर कुल संक्रमित १ लाख ९१ हजार ६ सय ३६ जना रहेका छन् भने निको हुनेको संख्या १ लाख ५५ हजार ११४ जना रहेका छन् । पछिल्लो २४ घण्टामा मात्रै २ हजार २ सय ६ जना कोरोना संक्रमणमुक्त भएका छन् । मन्त्रालयका अनुसार कोरोना निको हुने दर ८१ प्रतिशत रहेको छ ।
    काठमाडौं उपत्यकामा १ हजार ५ सय १२ संक्रमित थपिए, देशभर ७६ जना भेन्टिलेटरमा रहेका छन् । यस्तै देशभर कोरोनाबाट ज्यान गुमाउनेको संख्या १०८७ रहेको छ भने पछिल्लो २४ घण्टामा १७ जनाले ज्यान गुमाएका छन् ।
    आज १० हजार ४ सय २३ जनाको पीसीआर भएसँगै हालसम्म कुल पीसीआर परीक्षण संख्या १५ लाख २७ हजार ७ सय ६६ पुगेको छ । यस्तै हाल देशभर १ हजार १ सय ४४ जना क्वारेन्टिनमा रहेको पनि मन्त्रालयले जनाएको छ । हाल मनाङ र बाजुराबाहेक अरु जिल्लामा सक्रिय संक्रमित रहेका छन् ।

    प्रतिकृया दिनुहोस्