काठमाडौं । नेपाल बैंकर्स संघका उपाध्यक्ष तथा एनएमबि बैंकका सीईओ सुनिल केसीले ब्याजदर बढ्ने मौद्रिक नीति आउनु पर्ने बताएका छन् । आइतबार नेपाल उद्योग वाणिज्य महासंघले आयोजना गरेको आर्थिक वर्ष २०७९/०८० को मौद्रिक नीतिमा सुझाव दिन आयोजना गरेको कार्यक्रममा सीईओ केसीले यस्तो बताएका हुन् ।
उनले मौद्रिक नीति कसिलो र ब्याजदर माथि जाने हुनुपर्ने बताए । ‘अहिले बैंकहरुको औसत ब्याजदर ११.४७ छ, यो कोरोनाअघिको तुलनामा पनि कम हो,  प्रिकोभिड तुलनामा जोखिम बढेको छ,कस्टभन्दा पनि बेसरेट कम छ ,’ उनले भने ।
यस्तै उनले जलविद्युतलाई बढी प्राथमिकता दिनु पर्ने आवश्यकता भएको बताएका छन् । उनले हेजिङको सुविधा आवश्यक रहेको पनि बताएका छन् ।