काठमाडौं । ओरिएण्टल इन्स्योरेन्स कम्पनीले चालु आर्थिक वर्षको तेस्रो त्रैमासको वित्तीय विवरण प्रकाशन गरेको छ । यस अवधिमा कम्पनीको जगेडा कोषमा ३० करोड ३० लाख रुपैयाँ संचिती रहेको छ । गत आर्थिक वर्षको सोही अवधिमा ७ करोड ८८ लाख रुपैयाँ संचिती रहेको थियो । गत आर्थिक वर्षको सोही अवधिको तुलनामा कम्पनकिो जगेडा कोषको आकार बढेको छ ।
यस अवधिमा कम्पनीको बीमा कोषमा १ अर्ब १४ करोड १९ लाख रुपैयाँ रहेको छ । गत आर्थिक वर्षको सोही अवधिमा ९१ करोड ७६ लाख रुपैयाँ बीमा कोषमा रहेको छ ।
यस अवधिमा कम्पनीले ३२ करोड ६४ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिमा कम्पनीले २५ करोड १२ लाख रुपैयाँ खुद नाफा आर्जन गरेको थियो । गत आर्थिक वर्षको सोही अवधिको तुलनामा कम्पनीको नाफा २९ दशमलव ९५ प्रतिशतले बढी हो ।
कम्पनीले यस अवधिसम्ममा ६७ करोड ८३ लाख ५९ हजार रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ६५ करोड ५९ लाख ५७ हजार रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ३ दशमलव ४१ प्रतिशतले बढी हो ।
चालु आर्थिक वर्षको तेस्रो त्रैमासमा कम्पनीले ३७ करोड ४३ लाख १ हजार रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले ३८ करोड ९५ लाख रुपैयाँ खुद दाबी भुक्तानी गरेको थियो ।