आर्थीकसंसार संवाददाता१७ असार, २०८२
१७ असार, २०८२काठमाडौं । कुमारी बैंक लिमिटेडले डिजिटल कारोबार प्रवर्द्धन गर्ने उद्देश्यले फोनपे पेमेन्ट सर्भिस लिमिटेडसँगको सहकार्यमा ‘कुमारी भर्चुअल क्रेडिट कार्ड’ सेवा सुरु गरेको छ ।
बैंकका ग्राहकले मोबाइल बैंकिङ एप ‘कुमारी स्मार्ट’ मार्फत भर्चुअल क्रेडिट कार्ड सहजै सक्रिय गरी प्रयोग गर्न सक्नेछन् । कुनै भौतिक कार्ड नभई डिजिटल रूपमा जारी हुने यो कार्डमार्फत फोनपेको क्यूआर मर्चेन्टहरूमा सहज भुक्तानी गर्न सकिने व्यवस्था गरिएको छ ।
ग्राहकले भुक्तानी गरेपछि ४५ दिनसम्म बिना ब्याज सुविधा पाउने र सेटलमेन्टका लागि १० प्रतिशत वा शतप्रतिशत रकम चुक्ता गर्ने विकल्प समेत रोज्न सक्ने बैंकले जनाएको छ ।
