काठमाडौं । यूनाइटेड अजोड इन्स्योरेन्सले बीमा अभिकर्ताको तालिम तथा परीक्षा संचालन गर्ने भएको छ । कम्पनीले भदौ १७ गतेदेखि १९ गतेसम्म बीमा अभिकर्ता तालिम संचालन गर्न लागेको जनाएको छ । साथै तालिम पछि बीमा अभिकर्ताको परीक्षा भने भदौ १९ गते हुने जनाएको छ । उक्त तालिम विहान ९ बजेदेखि साझ ५ बजेसम्म संचालन हुनेछ । परीक्षा भने भदौ १९ गते साझ ५ बजेदेखि ६ः३० सम्म हुनेछ ।
उक्त तालिम लाहान शाखा हुलाक रोडमा हुने जनाएको छ । उक्त तालिममा सहभागी हुनका लागि न्युनतम एसएलसी वा सो सरहको परीक्षा उर्तिण गरेको हुनुपर्नेछ । ईच्छुकले नागरिकता तथा शैक्षिक योग्यताको प्रमाणपत्रको प्रतिलिपी, स्थायी लेखा नम्बरको प्रतिलिपी, पासपोर्ट साइजको फोटो ४ प्रति सहित कम्पनीको इमेल ठेगानामा भदौ १३ गतेभित्र बुझाउनुपर्नेछ ।
