काठमाडौं । नेपाल लाइफ इन्स्यारेन्सले गत असार मसान्तसम्म ३१ अर्ब ९६ करोड रुपैयाँ खुद बीमा शुल्क आर्जन गरेको छ । जुन अघिल्लो आर्थिक वर्षको तुलनामा १६.९३ प्रतिशत वृद्धि हो । इन्स्योरेन्सले अघिल्लो आर्थिक वर्ष २०७६÷७७ को सोही अवधिमा २७ अर्ब ३४ करोड रुपैयाँ मात्रै खुद बीमा शुल्क आर्जन गरेको थियो ।
त्यस्तै, इन्स्योरेन्सको खुद नाफा ५३ करोड ३ लाख रुपैयाँबाट बढेर ५३ करोड ५९ लाख रुपैयाँ पुर्याएको छ । जुन १.०५ प्रतिशतको वृद्धि हो ।
खुद नाफा बढेपनि प्रतिसेयर आम्दानी भने सामान्य २.२१ रुपैयाँले घटेको छ । अघिल्लो आवमा ९.६५ रुपैयाँ रहेको इन्स्योरेन्सको प्रतिसेयर आम्दानी ७.४४ रुपैयाँमा झरेको छ । bत्यस्तै, मूल्य आम्दानी अनुपात २५७.८ गुणा र प्रतिसेयर नेटवर्थ १२२.३ रुपैयाँ रहेको छ । त्यस्तै, चुक्ता पुँजी ३१ प्रतिशतले बढेर ७ अर्ब १९ करोड रुपैयाँ पुगेको छ । तर जगेडा कोषको रकम भने ७१.०३ प्रतिशतले घटेर १ अर्ब १ करोड रुपैयाँ रहेको छ । जुन अघिल्लो आवको असार मसान्तसम्ममा ३ अर्ब ५० करोड रुपैयाँ रहेको थियो ।
त्यसैगरी, जीवन बीमा कोष २९.२९ प्रतिशत र महाविपत्ति कोष ६.१३ प्रतिशत बढेको छ । त्यस्तै, कम्पनीले सो अवधिसम्ममा जीवन बीमा धितो बापत १९ अर्ब ५४ करोड रुपैयाँ कर्जा लगानी गरी एक अर्ब ८३ करोड रुपैयाँ आम्दानी गरेको छ ।