काठमाडौं । महालक्ष्मी विकास बैंकले एक वर्षको अवधिमा राम्रो प्रगति गरेको छ । अघिल्लो आर्थिक वर्षको तुलनामा बैंकले गत आर्थिक वर्षको चौथो त्रैमाससम्ममा ७१.०२ प्रतिशतले बढी खुद नाफा कमाएको छ ।
बैंकले प्रकाशित गरेको विवरणअनुसार कम्पनीले गत असार मसान्तसम्ममा ७३ करोड २९ लाख रुपैयाँ खुद नाफा आर्जन गरेको छ । बैंकले अघिल्लो आर्थिक वर्षको सो अवधिमा ४२ करोड ८५ लाख रुपैयाँ खुद नाफा कमाएको थियो ।
समीक्षा अवधिमा बैंकको खुद ब्याज आम्दानी १.५० प्रतिशत र सञ्चालन मुनाफा ६७.७९ प्रतिशतले बढेको छ । त्यस्तै, बैंकको वितरणयोग्य नाफा पनि बढेर ५६ करोड ३८ लाख रुपैयाँ पुगेको छ ।
खुद नाफासँगै बैंकको प्रतिसेयर आम्दानी पनि बढेको छ । अघिल्लो वर्ष १३.९५ रुपैयाँ रहेको बैंकको प्रतिसेयर आम्दानी ७.९८ रुपैयाँले बढेर २१.९३ रुपैयाँ कायम भएको छ । त्यस्तै, पीई रेसियो र प्रतिसेयर नेटवर्थ बढेर क्रमशः २०.२९ र १६४.७५ रुपैयाँ पुगेको छ । अघिल्लो वर्षको तुलनामा बैंकको चुक्ता पुँजी ८.८० प्रतिशतले बढेर ३ अर्ब ३४ करोड रुपैयाँ पुगेको छ । त्यस्तै, जगेडा कोषको रकम २६.१३ प्रतिशतले बढेर २ अर्ब १६ करोड रुपैयाँ पुगेको छ । त्यसैगरी, निक्षेप र कर्जा बढेर क्रमशः ३८ अर्ब ६० करोड रुपैयाँ र ३० अर्ब १० करोड रुपैयाँ पुगेको छ ।
समीक्षा अवधिमा बैंकको निष्क्रिय कर्जा (एनपीएल) भने बढेको छ । अघिल्लो वर्ष २.८ प्रतिशत रहेको एनपीले अहिले बढेर ३.३२ प्रतिशत पुगेको छ । त्यस्तै, क्रेडिट टु डिपोजिट रेसियो बढेर ७९.६७, बेस रेट घटेर ७.२८ र स्प्रेड रेट बढेर ४.५३ पुगेको छ ।
महालक्ष्मी विकास बैंकको ७१ प्रतिशतले बढ्यो नाफा
आर्थीकसंसार संवाददाता६ साउन, २०७८
६ साउन, २०७८- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- नेरूडे मिर्मिरे लघुवित्तद्वारा बीमा वापत ५ लाख ७१ हजार भुक्तानी
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण