News Portal

  • सिद्धार्थ बैंक र ट्रान्सपोर्ट सोलुसन्सबीच व्यावसायिक सम्झौता

    आर्थीकसंसार संवाददाता४ भदौ, २०७७
    ४०० पटक
    ४ भदौ, २०७७

    काठमाडौं । सिद्धार्थ बैंक र ३६० ट्रान्सपोर्ट सोलुसन्सबीच व्यावसायिक सम्झौता भएको छ । बैंकले सार्वजनिक यातायातको साधनमा अन्तर्राष्ट्रिय स्तरको डिजिटल भुक्तानी गर्ने उद्देश्यका साथ उक्त सम्झौता गरेको हो । उक्त सम्झौतापत्रमा सिद्धार्थ बैंकका तर्फबाट सहायक महाप्रबन्धक सुरेशराज महर्जन र ३६० ट्रान्सपोर्ट सोलुसन्सका तर्फबाट प्रमुख कार्यकारी अधिकृत खुशल रेग्मीले हस्ताक्षर गरेका हुन् ।
    यस सम्झौतापश्चात् ३६० ट्रान्सपोर्ट सोलुसन्स्अन्तर्गत सञ्चालनमा रहेको यातायातको साधनमा निकट भविष्यमा बैंकको पीओएस मेसिन जडान गरिने र यात्रुहरुले स्मार्ट प्रिपेड कार्ड प्रयोग गरी पीओएसमार्फत आफ्नो बस भाडा भुक्तानी गर्न सक्नेछन् । प्रयोग गरिने स्मार्ट प्रिपेड कार्ड सार्वजनिक यातायात तथा बैंकका शाखाहरुबाट खरिद र लोड गर्न सकिनेछ ।
    बैंकको यो परियोजना नेपाल राष्ट्र बैंकको निर्देशनअनुरुप डिजिटलाइजेसनको तर्फ क्रेन्द्रित रहेको र यस सेवाबाट नगदरहित कारोबारको उपयोग बढ्नुका साथै यात्रुहरुले केही हदसम्म भए पनि बस भाडाका लागि खुद्रा बोक्नु पर्ने झन्जट नरहने बैंकको विश्वास रहेको छ ।

    प्रतिकृया दिनुहोस्