![](https://aarthiksansar.com/wp-content/themes/aarthiksansar/images/1px.gif)
काठमाडौं । प्राइम बैंकले कोभिड–१९ महामारीविरुद्ध लड्न देशको विभिन्न अस्पतालहरुलाई स्वास्थ्य सामग्रीहरु सहयोग गरेको छ ।
बैंकले यस क्रममा वीर अस्पताललाई ३० लाख बराबरको स्वास्थ्य सामग्री सहयोगस्वरुप प्रदान गरेको छ । बैंकले अस्पताललाई पिपिइ सेट, पोर्टेवल अक्सिजन सिलिण्डर, फेस मास्क, सानिटाइजर, अक्सिजन ट्रलिलगायतका विभिन्न स्वास्थ सामग्रीहरु प्रदान गरेको हो ।
बैंकका सञ्चालक मनोज पौडेलले कोभिड युनीफाइड केन्द्रीय अस्पताल (वीर अस्पताल)का प्रमुख प्रशासकीय अधिकृत डा. जागेश्वर गौतमलाई एक समारोहकाबीच उक्त स्वास्थ्य सामग्री हस्तान्तरण गरे ।
यसका साथै बैंकले सुदूरपश्चिम क्षेत्रको सेती प्रादेशिक अस्पताल र महाकाली अस्पताललाई क्रमशः ६० थान तथा ४० थान अक्सिजन सिलिण्डर वितरण गरेको छ । बैंकले कोभिड१९ विरुद्धको लडाइँमा गर्दै आएको सहयोगलाई भविष्यमा समेत जारी राख्ने जनाएको छ ।