News Portal

  • सिभिल लघुवित्तको सञ्चालकमा सुनिता आचार्य निर्वाचित

    आर्थीकसंसार संवाददाता६ चैत्र, २०७७
    ९१२ पटक
    ६ चैत्र, २०७७

    काठमाडौं । सिभिल लघुवित्त वित्तीय संस्थाको प्रस्तावित ३.६८४२ प्रतिशत लाभांश पारित भएको छ । चैत ५ गते काठमाडौंमा सम्पन्न संस्थाको नवौं वार्षिक साधारण सभाले उक्त प्रस्तावलाई पारित गरेको हो ।
    योसँगै सेयरधनीले गत आर्थिक वर्ष २०७६÷७७ को नाफाबाट ३.५ प्रतिशत बोनस र ०.१८४२ प्रतिशत नगद गरी ३.६८४२ प्रतिशत लाभांश पाउने छन् ।
    त्यस्तै, सभाले सर्वसाधारण सेयरधनीको तर्फबाट संस्थाको सञ्चालकमा सुनिता आचार्य निर्विरोध निर्वाचित गरेको छ । सभाले आर्थिक वर्ष २०७६÷७७ को वार्षिक प्रतिवेदन, वित्तीय विवरणहरु पारित गरेको छ । यस वित्तीय संस्थाले हालसम्म ५५ वटा शाखा कार्यालयहरुमार्फत २९ वटा जिल्लाहरुमा ४४ हजार भन्दा बढी सदस्यलाई लघुवित्तीय सेवा प्रदान गर्दै करिब ५४ करोड ४८ लाख रुपैयाँ बचत संकलन गरी करिब २ अर्ब ४ करोड रुपैयाँ लगानी गरेको छ । साथै, निकट भविष्यमा थप स्थानहरुमा समेत आफ्ना सेवाहरु विस्तार गर्ने लक्ष्य लिएको छ ।

    प्रतिकृया दिनुहोस्