News Portal

  • ग्लोबल बैंकको एकैदिन ८ नयाँ शाखारहित बैंकिङ्ग सेवा सञ्चालनमा

    आर्थीकसंसार संवाददाता२५ फागुन, २०७७
    ८१५ पटक
    २५ फागुन, २०७७

    काठमाडौं । ग्लोबल आइएमई बैंकले विभिन्न ८ नयाँ स्थानमा शाखारहित बैंकिङ्ग सेवा सञ्चालनमा ल्याएको छ । बैंकले ईलामको नेपालटार, सिराहाको बन्दीपुर, रसुवाको थुमन, तनहुँको टुहुरेपसल, कैलालीको मिलनचोक, लमजुङ्गको कोइरालाफाँट, बाँकेको सिमलघारी र अर्घाखाँचीको रतनमारेमा नयाँ शाखारहित बैंकिङ्ग सेवा सञ्चालनमा ल्याएको हो ।
    यी शाखारहित बैंकिङ्ग सेवा सञ्चालनमा आएसँगै बैंकको शाखारहित बैंकिङ्ग सेवा संख्या २ सय ५३ पुगेको छ ।
    बैंकले ईलामको ईलाम नगरपालिका–१, नेपालटार, सिराहाको कर्जन्हा नगरपालिका–२, बन्दीपुर, रसुवाको गोसाँइकुण्ड गाँउपालिका–१, थुमन, तनहुँको भानु नगरपालिका–११, टुहुरेपसल, कैलालीको जानकी गाउँपालिका–७, मिलनचोक, लमजुङ्गको सुन्दर बजार नगरपालिका–१०, कोइरालाफाँट, बाँकेको खजुरा गाउँपालिका–६, सिमलघारी र अर्घाखाँचीको मालारानी गाउँपालिका–६, रतनमारेमा शाखारहित बैंकिङ्ग सेवा सञ्चालनमा ल्याएको हो ।
    शाखारहित बैंकिङ्ग सेवाबाट देशका विभिन्न ग्रामीण क्षेत्रका स्थानीय बासिन्दाले स्थानीय प्रतिनिधिमार्फत बैंकिङ्ग सेवा लिन सक्नेछन् । यसबाट निक्षेप खाता खोल्ने, तोकिएको सीमासम्मको रकम जम्मा गर्ने तथा झिक्ने, आफ्नो खातामा रहेको मौज्दातको जानकारी लिने, कर्जाको व्याज भुक्तानी गर्ने, मोबाइल रिचार्ज गर्ने लगायतका सेवा लिन सक्नेछन् ।
    ग्लोबल आइएमई बैंकले मुलुकभर तथा मुलुक बाहिर बैंकिङ्ग सेवाको पहुँच पुर्याउने उद्देश्यले ७ वटै प्रदेश तथा ७५ जिल्लामा २७० शाखा, २४२ एटीएम, २५३ शाखारहित बैंकिङ्ग सेवा, ४७ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी ८०० भन्दा बढी सेवा केन्द्रबाट ग्राहकवर्गलाई सेवा प्रदान गरिरहेको छ ।

    प्रतिकृया दिनुहोस्