News Portal

  • नेपाल इन्फ्रास्ट्रक्चर बैंक तेस्रो वर्षमा प्रवेश

    आर्थीकसंसार संवाददाता२१ फागुन, २०७७
    ९२३ पटक
    २१ फागुन, २०७७

    कठमाडौं । नेपाल इन्फ्रास्ट्रक्चर बैंक (निफ्रा) स्थापनाको तेस्रो वर्षमा प्रवेश भएको छ । सो अवसरमा बैंकले नेपाल स्नेही काखलाई तीन लाख रुपैयाँ हस्तान्तरण गरेको छ ।
    बैंकले संस्थागत सामाजिक उत्तरदायित्वअन्तर्गत नेपाल स्नेही काखलाई उक्त सहयोग गरेको हो । उक्त सहयोग रकम बराबरको चेक बैंकका प्रमुख कार्यकारी अधिकृत रामकृष्ण खतिवडाले नेपाल स्नेही काखका नेहा पोखरेललाई हस्तान्तरण गरेका हुन् ।
    बैंकले प्रदान गरेको यो रकम उक्त संस्थाले बनाउन लागेको नयाँ आश्रय स्थलको पूर्वाधार निर्माणमा खर्च हुनेछ ।
    मानसिक एवं शारीरिक रुपमा असक्त एवं समाजबाट अवहेलानामा परेका बालबालिका, युवायुवती, बृद्धबृद्धालगायतलाई शिक्षा, स्वास्थ्य, आवाससहित हेरचाह गर्ने उद्देश्य लिई स्थापना भएको नेपाल स्नेही काखमा हाल ६५ जनाले आश्रय लिई राखेका छन् । उक्त अवसरमा बैंकका नायब कार्यकारी अधिकृत भूपेन्द्र पाण्डे, नायब महाप्रबन्धक सूर्यबहादुर तामाङलगायतको उपस्थिति रहेको थियोे ।

    प्रतिकृया दिनुहोस्