काठमाडौं । मुक्तिनाथ विकास बैंकले अन्तर्राष्ट्रिय नारी दिवसको अवसरमा ‘नारी विशेष अफर’ ल्याएको छ । यो अफर फागुन १६ देखि फागुन २३ गतेसम्म लागु हुनेछ ।
यस अफरअन्तर्गत ग्राहकले मुक्तिनाथ बैंकको महिला पेवा बचत खाता खोलेमा निःशुल्क मुक्तिनाथ भिसा डेबिट कार्ड पाउन सकिनेछ । साथै यस नारी विशेष अफरमा ग्राहकहरुले निःशुल्क डिम्याट खाता पनि बैंकमार्फत खोल्न सक्नेछन् । नारीलाई बचतमा प्रोत्साहन गर्न बैंकले यस्तो अफर ल्याएको जनाएको छ ।
विकास बैंकले डिजिटल कारोबारलार्ई प्रोत्साहन गर्न भिसा नेटवर्कअन्तर्गतको जुनसुकै बैंकको एटिएमबाट बिना कुनै शुल्क रकम झिक्न सकिने व्यवस्था गरेको छ ।
त्यसैगरी मोबाईल बैंकिङ्ग, क्यूआर कोड स्क्यान, अनलाईन कर्जा आवेदन, अनलाईन खाता खोल्ने, ईन्टरनेट बैंकिङ्ग, खातामै रेमिट्यान्स जम्मा आदिजस्ता कार्यहरु बैंकको शाखामा उपस्थित नभई घरबाट गर्न सकिने व्यवस्था बैंकले गरेको छ ।