काठमाडौं । महालक्ष्मी विकास बैंकले काठमाडौं महानगरपालिका–८ जयबागेश्वरीमा रहेको बाल सारथीलाई आर्थिक सहयोग गरेको छ । बैंकले अनाथ तथा विपन्न वर्गका बालबालिकाहरुलाई शिक्षाको अवसर प्रदान गर्दै आइरहेको संस्थालाई विद्यालय भवन निर्माण गर्न आर्थिक सहयोग गरेको हो ।
बिहीबार बाल सारथीको कार्यालयमा सम्पन्न कार्यक्रममा बैंकको बजार व्यवस्थापन विभागकी प्रमुख दिपाञ्जली खकुरेलले संस्थाकी अध्यक्ष अस्मिता सुमार्गीलाई पाँच लाखको चेक हस्तान्तरण गरेका थिए । उक्त अवसरमा खकुरेलले संस्थामा अध्ययनरत बालबालिकाहरुलाई वित्तीय साक्षरतासम्बन्धी प्रशिक्षणसमेत प्रदान गरेका थिए ।
देशभर १०३ वटा शाखाहरुमार्फत सेवा प्रदान गर्दै आइरहेको बैंकले आगामि दिनहरुमा पनि सामाजिक उत्तरदायित्वअन्तर्गत अझै प्रभावकारी कार्यक्रमहरु गर्दै जाने प्रतिबद्घता जनाएको छ ।