News Portal

  • स्पर्स लघुवित्त ग्लोबल आइएमई लघुवित्तसँग मर्जमा जाने

    आर्थीकसंसार संवाददाता१ माघ, २०७७
    ९२९ पटक
    १ माघ, २०७७

    पोखरा । स्पर्स लघुवित्त वित्तीय संस्थाको प्रस्तावित २०.५३ प्रतिशत लाभांश पारित भएको छ । पुस २९ गते सम्पन्न संस्थाको चौंथो वार्षिक साधारणसभाले सञ्चालक समितिको उक्त प्रस्तावलाई पारित गरेको हो ।
    सभाले पारित गरेसँगै सेयरधनीले गत आर्थिक वर्षको नाफाबाट चुक्ता पुँजी १९.५० प्रतिशत बोनस सेयर र १.०२६३१६ प्रतिशत नगद गरी २०.५३ प्रतिशत लाभांश पाउने भएका छन् । साथै, सम्पति तथा दायित्व मूल्यांकन प्रतिवेदनको आधारमा स्पर्स लघुवित्त वित्तीय संस्थाको १ (एक) कित्ता सेयर बराबर ग्लोबल आइएमई लघुवित्त वित्तीय संस्थाको ०.९० (शून्य दशमलव नौ शून्य) कित्ता सेयर दिने गरी सेयर स्वाप अनुपात कायम गर्ने प्रस्ताव समेत पारित गरेको बताइएको छ ।
    नायव प्रबन्धक सुदीप आचार्यले सञ्चालन गरेको सभामा वित्तीय संस्थाका प्रमुख कार्यकारी अधिकृत सजल खड्काले उपस्थित सम्पूर्णलाई स्वागत गरेका थिए ।

    प्रतिकृया दिनुहोस्