आर्थीकसंसार संवाददाता१३ भदौ, २०८२
१३ भदौ, २०८२काठमाडौं । एनआईसी एशिया बैंकका ग्राहकलाई स्वास्थ्य उपचार सेवामा छुट उपलब्ध गराउने सम्बन्धमा सिपी हस्पिटल प्रालि र बैंकबीच सम्झौता सम्पन्न भएको छ ।
यस समझदारीपश्चात यस बैंकका ग्राहकले धनगढी, कैलालीमा रहेको सिपी हस्पिटलमा अस्पतालले उपलब्ध गराएको विभिन्न सेवामा २० प्रतिशतसम्म छुट प्राप्त गर्नेछन् ।
ग्राहकले ओपीडी, प्याथोलोजी, एक्स–रे, यूएसजी, इन्डोस्कोपी, कोलोनोस्कोपी, नर्मल बेड, आईसीयू, एसी क्याबिन, सर्जरी, मेडिसिन , सिटी स्क्यानलगायतमा छुृट पाइने बैंकले जनाएको छ ।
यस सुविधाको उपभोग गर्न ग्राहकले यस बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्ने हुन्छ ।
