७ कार्तिक, २०८१काठमाडौं । कामना सेवा विकास बैंकले चालु आर्थिक वर्षको प्रथम त्रैमासको अपरिष्कृत वित्तीय विवरण सार्वजनिक गरेको छ। वित्तीय विवरणअनुसार बैंकले मुख्य वित्तीय सूचकहरुमा आकर्षक प्रगति गरेको देखिएको छ।
समीक्षा अवधिमा बैंकले १७ करोड ४९ लाख रुपैयाँ नाफा आर्जन गरेको छ। अघिल्लो वर्ष यही अवधिमा बैंकले ११ करोड ९५ लाख रुपैयाँ नाफा आर्जन गरेको थियो। बैंकको नाफा अघिल्लो वर्षको तुलनामा ४६.४० प्रतिशतले बढेको छ।
बैंकको सञ्चालन मुनाफा ४५.५७ प्रतिशतले बढेर २५ करोड ६७ लाख रुपैयाँ भएको छ। अघिल्लो वर्ष सञ्चालन मुनाफा १८ करोड रुपैयाँ थियो। ब्याज आम्दानी पनि बढेर ५१ करोड ८७ लाख रुपैयाँ भएको छ। अघिल्लो वर्ष ब्याज आम्दानी ४९ करोड ९ लाख रुपैयाँ थियो।
चुक्तापुँजी ३ अर्ब ५१ करोड ८ रुपैयाँ रहेको बैंकको रिजर्भको आकार बढेर १ अर्ब ६९ करोड ३२ लमाख रुपैयाँ पुगेको छ। अघिल्लो वर्ष रिजर्भमा १ अर्ब ६९ करोड १९ लाख रुपैयाँ थियो। बैंकको रिटेन्ड अर्निङमा २० करोड ९८ लाख रुपैयाँ रहेको छ।
मीक्षा अवधिमा बैंकले ६० अर्ब ७५ करोड रुपैयाँ निक्षेप संकलन गरी ४७ अर्ब ४० करोड रुपैयाँ कर्जा लगानी गरेको छ। अघिल्लो वर्ष बैंकले ५९ अर्ब ६ करोड रुपैयाँ निक्षेप संकलन गरी ४५ अर्ब ९७ करोड रुपैयाँ कर्जा लगानी गरेको थियो।
समीक्षा अवधिमा बैंकले खराब कर्जा अनुपात (एनपीएल) बढेर ३.९६ प्रतिशतमा पुगेको छ। अघिल्लो वर्ष यही अवधिमा पनि बैंकको एनपीएल ३.४८ प्रतिशत थियो।
बैंकको वार्षिकीकृत प्रतिशेयर आम्दानी (ईपीएस) बढेर १९.९४ रुपैयाँ कायम भएको छ। अघिल्लो वर्ष ईपीएस १४.५७ रुपैयाँ थियो। पीई रेसियो २३.७४ गुणा रहेको बैंकको प्रतिशेयर नेटवर्थ १५४.२१ रुपैयाँ रहेको छ।