काठमाडौं । बैंक अफ काठमाण्डूले मंसिर २५ गतेदेखि १ अर्ब ६० करोड रुपैयाँ बराबरको ऋणपत्र निष्काशन खुला गरेको छ । बैंकले प्रतिकित्ता एक हजार रुपैयाँको दरले १६ लाख कित्ता ऋणपत्रको बिक्री खुला गरेको हो ।
बैंकले १६ लाख कित्ता ऋणपत्रमध्ये ९ लाख ६० हजार कित्ता ऋणपत्र व्यक्तिगत तवरबाट बिक्री गर्नेछ भने बाँकी ६ लाख ४० हजार कित्ता सर्वसाधारण लगानीकर्तालाई बिक्री गर्ने छ । त्यस्तै, सर्वसाधारण लगानीकर्तालाई बिक्री गरिने कुल ऋणपत्रमध्ये ५ प्रतिशत अर्थात ३२ हजार कित्ता ऋणपत्र सामूहिक लगानी कोषका लागि छुट्याइएको छ भने बाँकी रहेको ६ लाख ८ हजार कित्ताको लागि सर्वसाधारणले आवेदन दिन सक्ने छन् । सो ऋणपत्रमा आवेदन दिन इच्छुकले छिटोमा मंसिर २८ गते र ढिलोमा पुस ८ गतेसम्म आवेदिन दिन सक्नेछन् । उनीहरुले न्यूनतम आवेदन २५ कित्तादेखि अधिकतम ३ लाख कित्ताको लागि आवेदन दिन पाउनेछन् ।
यस ऋणपत्रको समय अवधि १० वर्षको रहेको छ । यसमा लगानी गर्ने लगानीकर्ताले वार्षिक ८.५० प्रतिशत ब्याजदर पाउने छन् । लगानीकर्ताहरुले यस ऋणपत्र नेपाल धितोपत्र बोर्डबाट इजाजतपत्र प्राप्त सि–आस्वामा सहभागी बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन् । यसको निष्काशन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ । बैंकको ऋणपत्रलाई इक्रा नेपालले इक्राएनपी आईआर त्रिपल बी प्लस रेटिङ्ग दिएको छ ।
बैंक अफ काठमाण्डूको ऋणपत्र निष्काशन
आर्थिकसंसार संवाददाता२५ मंसिर, २०७७
२५ मंसिर, २०७७- सानिमा रिलायन्सले कर्मचारीको ज्ञान र क्षमता विकास गर्न गर्यो प्रशिक्षण कार्यक्रम
- राष्ट्रिय वाणिज्य बैंकद्वारा बाढीपहिरो र डुबानबाट प्रभावित तथा पीडितको सहायताका लागि दुई करोड रुपैंया आर्थिक सहयोग प्रदान
- लाभांश वितरण गर्दै फरवार्ड माइक्रोफाइनान्स
- ज्योति विकास बैंकका ग्राहकलाई चितवनको जंगल भिल्ला रिसोर्टमा छुट
- बाढी-पहिरो पीडितलाई सहयोग गर्न एमाले सांसदहरूले आधा महिनाको पारिश्रमिक दिने
- सन नेपाल लाइफ इन्स्योरेन्सको लगनखेल शाखा स्थानान्तरण
- सिटिजन लाइफका कर्मचारीलाई व्यक्तित्व विकास तालिम
- आईसीएफसी फाइनान्सका ग्राहकलाई बुद्ध एयरमा आकर्षण छुट
- नख्खु बाढीमा पसी बगाएकालाई बचाउने तामाङलाई प्रभु महालक्ष्मी लाइफको सम्मान
- मजदुरबाट आफ्नै सफारीको मालिक बने १० परिवार