News Portal

  • नगरप्रमुख घनश्याम गिरीद्वारा सिसी क्यामरा प्रहरीलाई हस्तान्तरण

    आर्थीकसंसार संवाददाता१२ मंसिर, २०७७
    १६६६ पटक
    १२ मंसिर, २०७७

    काठमाडौं । चन्द्रागिरी नगरपालिकाको आर्थिक सहयोगमा जडान भएका उच्च प्रविधिका सिसी क्यामराको आज नगरप्रमुुख घनश्याम गिरीले प्रहरीलाई हस्तान्तरण गरिएको छ । सोे सिसी क्यामेराको हस्तान्तरण समारोहको उद्घाटन गर्दै नगर प्र्रमुख गिरीले नागढुंगा–कलंकी सडकखण्डअन्तर्गत जडान गरिएका सिसी क्यामरा प्रहरीलाई हस्तान्तरण गरिएको होे ।
    काठमाडौं उपत्यकाको मुख्य प्रवेशद्वारका रुपमा रहेको नाढुंगाबाट कलंकीसम्मको सडकखण्डमा सिसी क्यामरा जडान भएका छन् । नगरप्रमुख गिरीले शान्ति सुरक्षालाई चुस्तदुरुस्त राख्न, ट्राफिक नियमको उल्लंघन गर्नेलाई कारवाहीको दायरामा ल्याउन सिसी क्यामरा जडान गरिएको कुरा बताएको छ । राजमार्ग क्षेत्रमा हुने आपराधिक गतिविधि नियन्त्रणमा सिसी क्यामराले सहयोग गर्ने विश्वास लिइएको छ ।
    सिसी क्यामराको उद्घाटनपछि महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक विश्वराज पोखरेलले उपत्यका प्रवेश गर्ने मुख्य नाकामा सिसी क्यामरा जडान हुनु मानव सभ्यता, विकास र समृद्धिको प्रतीक भएको बताए । नगरपालिकाले छाटो समयमा सिसी क्यामरा जडान गरेपछि सडक सुरक्षा र अन्य आपराधिक गतिविधिलाई नियन्त्रण गर्न सहयोग पुग्ने विश्वास उनले व्यक्त गरे ।
    नगरपालिकाले एक करोडको लागतमा सिसी क्यामरा जडान गरेको हो । नगरपालिकाको वडा नं २ नागढुङ्गादेखि वडा नं १५ कलङ्कीसम्म राजमार्ग क्षेत्रमा ६७ क्यामरा जडान भएका छन् । उक्त क्यामराको निरीक्षण महानगरीय प्रहरी कार्यालय रानीपोखरीले गर्नेसमेत नगरप्रमुख घनश्याम गिरीले बताए ।

    प्रतिकृया दिनुहोस्