२४ कार्तिक, २०८०काठमाडौं। ग्लोबल आइएमई बैंक लिमिटेडका ग्राहकहरुले यस वर्षको तिहारमा विभिन्न डिजिटल कारोबारमार्फत सामान किन्दा निश्चित क्यासब्याक पाउने भएका छन् । बैंकका डेबिट वा क्रेडिट कार्ड बाहक ग्राहकले नेपालभरका पस (पीओएस) मेसिनमा रु १ हजार वा सोभन्दा बढीको कम्तीमा ३ वटा कारोबारमा रु ३०० अथवा ५ वटा कारोबारमा रु ५०० क्यासब्याक पाउनेछन्। पस मेसिनमार्फतको कारोबारमा क्यासब्याक पाउने समयावधि कात्तिक २५ गते काग तिहारदेखि कात्तिक २९ गते भाइटीकासम्म रहेको छ।
त्यसैगरी बैंकको मोबाइल बैंकिङ एप–ग्लोबल स्मार्ट प्लस प्रयोगकर्ता ग्राहकले कात्तिक २५ गते काग तिहारदेखि कात्तिक २९ गते भाइटीकासम्म बेलुका ५ बजेदेखि ८ बजेसम्म क्यूआरमार्फत प्रोमो कोड “Tihar” लेखी भुक्तानी गर्दा खरिदको १० प्रतिशत वा रु ३०० सम्म क्यासब्याक पाउनेछन्।आफ्ना ग्राहकको सुविधालाई मध्यनजर गरी बैंकले यस्ता किसिमका समय सान्दर्भिक क्यासब्याक योजनाहरु ल्याएर ग्राहकलाई लाभान्वित गर्दै आएको छ।
