News Portal

  • महिला सामुदायिक र जाल्पा लघुवित्त वित्तीय संस्थाबीच मर्जर सम्पन्न

    आर्थीकसंसार संवाददाता१७ कार्तिक, २०७७
    २१७५ पटक
    १७ कार्तिक, २०७७

    काठमाडौं । महिला सामुदायिक लघुवित्त वित्तीय संस्था लिमिटेड र जाल्पा लघुवित्त वित्तीय संस्था लिमिटेड मर्जर सम्पन्न भएको छ । यी दुई लघुवित्त मर्जर भएर राष्ट्रिय स्तरको वित्तीय संस्था बनेको छ । दाङ जिल्लाको घोराहीमा केन्द्रीय कार्यालय रहेर सेवा प्रवाह गरिरहेको महिला सामुदायिक लघुवित्त वित्तीय संस्था लिमिटेड र पोखरा कास्कीमा केन्द्रीय कार्यालय रहेको जाल्पा लघुवित्त वित्तीय संस्था लिमिटेडको मर्जर भएको हो ।
    नेपाल राष्ट्र बैंकले दुई लघुवित्तको मर्जरको अन्तिम स्वीकृतिपत्र प्रदान गरेको छ । मर्जरसँगै लघुवित्तको नाम जाल्पा सामुदायिक सघुवित्त वित्तीय संस्था लिमिटेड रहने छ । मर्जरसँगै घ वर्गको राष्ट्रिय स्तरको कारोबार हुने छ । मर्जरसँगै लघुवित्तको केन्द्रीय कार्यालय बुटलमा रहने छ भने क्षेत्रीय कार्यालय दाङ र पोखरामा रहने महिला सामुदायिक लघुवित्त वित्तीय संस्था लिमिटेडका प्रमुख कार्यकारी निर्देशक विमला योगीले बताउनुभयो । महिला सामुदायिक र जाल्पा लघुवित्तको मर्जरसँगै ५७ वटा शाखा कार्यालयबाट सेवा प्रवाह गर्ने छ । यी दुवै लघुवित्तको लगानीमा रहिरहेको ऋण रकम ३ अर्ब २२ करोड र बचत २ अर्ब रहेको छ ।
    राष्ट्रिय स्तरको घ वर्गको लघुवित्त वित्तीय संस्था बनेसँगै सदस्यहरुलाई प्रवाह गर्ने सदस्यहरुलाई प्रदान हुने सेवामा पनि विस्तार हुने सामुदायिक लघुवित्त वित्तीय संस्था लिमिटेडका प्रमुख कार्यकारी निर्देशक विमला योगीको विश्वास रहेको छ । यसका साथै ट्याब्लेट बैंकिङ, एसएमएस बैंकिङ, वित्तीय साक्षरता, सदस्यहरुको उद्यमशीलता प्रवद्र्धन सेवाहरुको पनि विस्तार गरिने योगीले बताउनु भयो ।

    प्रतिकृया दिनुहोस्