काठमाडौं । नेपाल फाइनान्स लिमिटेडको २० देखि २७ औं वार्षिक साधारण सभा भच्र्युअल माध्यमबाट शनिबार सम्पन्न भएको छ । उक्त सभाले एक बराबर १ः१.७५को अनुपातमा हकप्रद शेयर दिने प्रस्ताव पारित गरेको छ ।
संस्थाको चुक्ता पुँजी चौरासी करोड दुई लाख पैसाठ्ठी हजार पाँच सय चौरानब्बे मात्र पुर्याउन १ः१.७५ (एक बराबर एक दशमलब सात पाँच)को अनुपातमा हकप्रद शेयर जारी गर्ने विशेष प्रस्ताव साधारणसभाबाट पारित भएको हो । संस्थाको २०७४ फागुन २९ गते सम्पन्न भएको विशेष साधारण सभाको निर्णय बमोजिमको हाल कायम चुक्ता पुँजीको १ः१.२५ को दरले हकप्रद शेयर जारी गर्ने गरी प्रक्रिया थालिएको जनाएको छ । उक्त प्रस्ताव धितोपत्र बोर्डबाट स्वीकृत हुने अन्तिम चरणमा रहेको छ, अन्तर्गत आधारभूत लगानीकर्ता तथा संचालकहरुबाट उक्त हकप्रद शेयर बापतको रकम कल्स इन एडभान्समा जम्मा भइसकेको जनाएको छ ।
सो साधारणसभाले संंस्थाको अधिकृत पुँजी १ अर्ब र जारी तथा चुक्ता पुँजी ८४ करोड २ लाख बनाउने निर्णयसमेत गरेको छ । नेपाल राष्ट्र बैंकले ग बर्गका वित्तीय संस्थाको चुक्ता पुँजी ८० करोड पु¥याउन दिएको निर्देशनबमोजिम सो निर्णय गरेको हो । साथै साधारणसभाले यसका लागि आजैका मितिदेखि सो प्रक्रियालाई अगाडि बढाउने प्रस्तावलाई समेत पारित गरेको छ । २०४९ सालमा स्थापना भएको निजी क्षेत्रको पहिलो फाइनान्स कम्पनीले स्थापनाकालदेखि हालसम्म आफ्नै इतिहास बोकेको संस्था हो ।