काठमाडौं । फोर्स मोटर्सले गाडीका खरिदहर्तालाई लक्षित गर्दै ‘दशैं आशीर्वाद’ अफर सुरु गरेको छ । फोर्स मोटर्सको आधिकारिक बिक्रेता हिमालय अर्गनाइजेशन अन्तर्गतको आयाम इन्टरकन्टिनेन्टलले दशैं र तिहारको अवसरमा दशैं आशीर्वाद उपहार योजना सार्वजनिक गरेको जनाएको छ । बिगत ७ बर्ष देखि फोर्स मोटर्सले नेपालमा आफ्नो आधिकारीक विक्रेता आयाम इन्टरकन्टिनेन्टल प्रालिमार्फत आफ्ना गाडिहरुको विक्रि वितरण गर्दै आईरहेको छ । फोर्सले सार्वजनिक गरेका तीन अफरमध्ये कुनै एक अफर मात्र लागू हुने बताइएको छ ।
अफरअन्तर्गत फोर्स मोटर्सको १४ सिट क्षमताको ट्राक्स क्रुजर जीपको खरिदमा ‘९ महिनासम्म किस्ता व्याज तिर्न नपर्ने, ९ लाख रुपैयाँको डाउन पेमेन्टमा गाडी निकाल्न मिल्ने अथवा स्क्राच कुपनमार्फत २ लाखदेखि १० लाख रुपैंयासम्म छुट पक्का’मध्ये कुनै एक अफर रोजी रोजी लिन सकिनेछ ।
त्यस्तै, ट्राक्स कार्गाेकिङ पिक अपको खरिदमा ‘८ महिनासम्म किस्ता ब्याज तिर्न नपर्ने, ५ लाख ५० हजार मात्र डाउन पेमेन्टमा गाडि निकाल्न मिल्ने अथवा स्क्राच कुपनमार्फत १ देखि ५ लाख सम्म छुट पक्का’ मध्ये कुनै एक अफर रोजी रोजी गाडी किन्न सकिने जनाएको छ ।
त्यसैगरी २६ सीट क्षमताको ‘ट्राभलर टी २’ मिनीबसको खरिदमा ‘७ महिनासम्म किस्ता ब्याज तिर्न नपर्ने, १२ लाख मात्र डाउन पेमेन्टमा गाडि निकाल्न मिल्ने अथवा स्क्राच कुपनमार्फत २ देखि ६ लाख सम्म छुट पक्का’ मध्ये कुनै एक अफर रोजी रोजी गाडी किन्न सकिने छ ।