३ असोज, २०७७काठमाडौं । सरकारले उद्योगी शंकरलाल अग्रवाल प्रवल जनसेवा श्री (चतुर्थ)बाट विभूषित भएका छन् । पाँचौं संविधान दिवसका अवसरमा एक दर्जनभन्दा बढी उद्योगी व्यवसायीलाई विभिन्न मानपदवी, अलंकार र पदकले विभुषित गरेको छ ।
शंकर ग्रुपका अध्यक्ष शंकरलाल अग्रवाल (गोल्यान) प्रबल जनसेवा श्री (चतुर्थ)बाट विभूषित भएका छन् । स्वर्गीय रावत मल गोल्यानका कान्छा छोरा शंकर सन् १९७० बाट व्यवसायमा प्रवेश गरेका थिए । कपडाको व्यापारका लागि उनी विभिन्न देश पुगेका थिए । सन् १९८० मा कोरिया र जापानमा कपडा व्यापार गरेर १० वर्षसम्म विताएका थिए । यो दुबै देशमा ठूलो कपडा कारोबारीको रुपमा उनी परिचित थिए । पछिल्लो ४५ वर्षको अवधिमा उनको लगनशीलताका कारण नेपालको ठूलो व्यापारिक घरानाको रुपमा स्थापित भएको थियो ।
शंकर ग्रुपको विभिन्न उद्योग व्यवसायमा हजारौंले रोजगारी पाएका छन् । यो समूह अन्तर्गत सिमेन्ट, स्टील, अटोमोबाइल, कृषि, खाद्यान्न तथा एमसिजी, चुरोट, प्याकेजिङ, हस्पिटालिटी, विजुली, जीवन बीमा, क्रेडिट रेटिङ र व्यापारलगायतका १४ विभिन्न क्षेत्रका व्यापार छन् ।
शंकर समूहले अहिले गरिरहेका सम्पूर्ण सामाजिक कार्यहरुलाई निरन्तरता दिइरहने प्रतिबद्धता व्यक्त गरेको छ । यस्तै नेपाल उद्योग वाणिज्य महासंघका उपाध्यक्ष उमेशलाल श्रेष्ठ सुप्रबल जनसेवा श्री पदकबाट विभुषित भएका छन् । उनी क्वेस्ट फर्मास्यूटिकलका कार्यकारी निर्देशक थिए । महासंघकी केन्द्रीय सदस्य जोत्सना श्रेष्ठ र केन्द्रीय सदस्य भरतराज आचार्य सुप्रबल जनसेवा श्री पदकबाट विभुषित भएका छन् ।