News Portal

  • कागेश्वरी मनोहरा नपामा एन्टिजेन प्रविधिबाट आधा घण्टामै पीसीआरको रिपोर्ट पाइने

    आर्थिकसंसार डटकम२७ भदौ, २०७७
    १७१९ पटक
    २७ भदौ, २०७७

    काठमाडौं । कागेश्वरी मनोहरा नगरपालिकाले नेपालमै पहिलोपटक एन्टिजेन प्रविधिबाट आधा घण्टामै पीसीआरको रिपोर्ट दिन मिल्ने गरी सेवा सुरु गर्न लागेको छ ।
    नेपालमै पहिलो पटक सुरु हुन लागेको एन्टिजेन प्रविधिबाट रु. २ हजारमा कोरोना परीक्षण पीसीआर गरी आधा घण्टामा रिपोर्ट पाउने गरी सेवा प्रदान गर्न लागिएको नगर प्रमुख कृष्णहरि थापाले जानकारी दिनुभयो ।
    नगरपालिकाले यसका लागि आवश्यक सम्पूर्ण तयारी गरिसकेको नगर प्रमुख थापाले बताउनुभयो । यो सेवा आगामी असोज १ गतेबाट मुलपानी नगर अस्पतालमा सुरु गर्न लागिएको नगर प्रमुख थापाले जानकारी दिनुभयो । यो सेवा कोरोना परीक्षणका लागि छिटो, छरितो, भरपर्दाे र सस्तो हुने नगर प्रमुखले भनाई रहेको छ ।
    एन्टिजेन प्रविधिबाट कोरोना परीक्षण पीसीआर गर्न चाहने सबैलाई मुलपानी नगर अस्पतालमा सम्पर्क गर्न नगर प्रमुखले नगरबासीलगायत सबैलाई आग्रह गर्नुभएको छ । विश्वभर महामारीको रुपमा रहेको कोरोना भाइरस (कोभिड–१९)को संक्रमणबाट बच्नका लागि स्वास्थ्य मापदण्डको पूर्ण रुपमा पालना गर्न नगरबासी लगायत सबै पक्षलाई नगर प्रमुख थापाले आग्रह गर्नुभएको छ ।
    कागेश्वरी मनोहरा नगरपालिका कोभिडको रोकथाम तथा नियन्त्रण र व्यवस्थापनमा लागिपरेको बताउँदै नगर प्रमुख थापाले कोभिडलाई समुदायस्तरमा फैलिन नदिन सबै जनप्रतिनिधिहरु र स्वास्थ्यकर्मीहरु लागिपरेको पनि बताउनुभएको छ ।

    प्रतिकृया दिनुहोस्