२६ भदौ, २०७७काठमाडौं । निर्जीवन बीमाको कारोबार गर्दै आएको प्रुडेन्सियल इन्स्योरेन्स कम्पनी लिमिटेडको १८औंं वार्षिक साधारणसभा भदौं २६ गते होटेल इच्छा प्रालि सिमरा, बारामा सम्पन्न भएको छ । सो साधारण सभाले सञ्चालक समितिको तर्फबाट अध्यक्ष श्रवणकुमार अग्रवालद्वारा प्रस्तुत आर्थिक वर्ष २०७५÷७६ को वार्षिक प्रतिवेदन सर्वसम्मत पारित गरेको छ ।
वार्षिक साधारणसभाबाट कम्पनीको संस्थापक समूह क अन्तर्गत ४ जना सञ्चालकहरुको निर्वाचन सम्पन्न गरेको छ, जसमा सञ्चालक विशाल अग्रवाल, अमित अग्रवाल र अर्पित अग्रवाल र विवेक विजुक्छे निर्विरोध निर्वाचित भएका छन् । सञ्चालकहरुलाई निर्वाचन अधिकृत विजयलाल ठाकुरले पद तथा गोपनियताको सपथ ग्रहण समेत गराएका छन् ।
साधारणसभाले कम्पनीको २० प्रतिशत प्रवद्र्धक सेयर साधारण सेयरमा परिणत गर्ने निर्णय गरेको छ । यसअघि ८० प्रतिशत प्रमोटर सेयर र २० प्रतिशत पब्लिक सेयर रहेकोमा अब ६० प्रतिशत प्रमोटर र ४० प्रतिशत पब्लिक सेयर हुने निर्णय साधारणसभाले गरेको छ ।
