काठमाडौं । नेपाल लाइफ इन्स्योरेन्स कम्पनीले आर्थिक वर्ष २०७८/ ७९ को तेस्रो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको खुद मुनाफा, गेडा कोष बाहेक अधिकांश सूचकमा प्रगति देखिएको छ ।
८ अर्ब २० करोड रुपैयाँ चुक्ता पूँजी भएको कम्पनीको जगेडा कोषमा ४४ करोड ४९ लाख रुपैयाँ जगेडा कोषमा संचिती रहेको छ । गत आर्थिक वर्षको सोही अवधिमा कम्पनीको जगेडा कोषमा १ अर्ब १२ करोड ३४ लाख रुपैयाँ संचिती रहेको थियो । गत आर्थिक वर्षको सोही अवधिको तुलनामा कम्पनीको जगेडा कोषको आकार घटेको हो ।
यस अवधिमा कम्पनीको जीवन बीमा कोषमा १ खर्ब ३१ अर्ब १६ करोड रुपैयाँ रहेको छ । गत आर्थिक वर्षको सोही अवधिको तुलनामा कम्पनीको जीवन बीमा कोषको आकार बृद्धि भएको छ । गत आर्थिक वर्षको सोही अवधिमा कम्पनीको जीवन बीमा कोषमा १ खर्ब ७ अर्ब ६१ करोड रुपैयाँ थियो ।
यस अवधिमा कम्पनीले १९ करोड ४५ लाख ६१ हजार रुपैयाँ नाफा आर्जन गरेको छ । गत आर्थिक वर्षको सोही अवधिमा कम्पनीले ५० करोड ६६ लाख ६८ हजार रुपैयाँ खुद नाफा आर्जन गरेको छ । बीमा समितिको निर्देशन अनुसार कम्पनीले फ्युचर बोनश प्रोभिजनले गर्दा नाफामा गिरावट आएको हो । गत आर्थिक वर्षको तुलनामा कम्पनीको नाफा १३८ प्रतिशतले घटेको हो ।
यस अवधिमा कम्पनीले २५ अर्ब ९९ करोड ७९ लाख २ हजार रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले २४ अर्ब ९५ करोड ६० लाख ६३ हजार रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ५ प्रतिशतले बढेको हो ।
यस अवधिमा कम्पनीले १० अर्ब ६० करोड ८६ लाख ४ हजार रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले ७ अर्ब २९ करोड ७४ लाख ७४ हजार रुपैयाँ खुद दाबी भुक्तानी गरेको छ । गत आर्थिक वर्षको तुलनामा कम्पनीको खुद दाबी भुक्तानी बढेको छ ।
यस अवधिमा कम्पनीको प्रति शेयर आम्दानी ३ रुपैया ४१ पैसा रहेको छ । प्रति शेयर नेटवर्थ ११४ रुपैयाँ ०३ पैसा रहेको छ । पिई अनुपात २७९.६८ गुणा रहेको छ ।
नेपाल लाइफको खुद बीमा शुल्क आर्जन २५ अर्ब ९७ करोड
आर्थीकसंसार संवाददाता३० वैशाख, २०७९
३० वैशाख, २०७९- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- नेरूडे मिर्मिरे लघुवित्तद्वारा बीमा वापत ५ लाख ७१ हजार भुक्तानी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण