News Portal

  • नेपाल फाइनान्समा सेयरधनीबाट रोजिना श्रेष्ठ नियुक्त

    आर्थीकसंसार संवाददाता
    १०६२ पटक

    काठमाडौं । नेपाल फाइनान्स कम्पनीको रिक्त रहेको सर्वसाधारण सेयरधनीको प्रतिनिधित्व गर्ने सञ्चालक पदमा रोजिना श्रेष्ठलाई नियुक्त गरिएको छ ।
    संस्थाको असार १६ गते सम्पन्न सञ्चालक समितिको बैठकले पानस इन्भेष्टमेन्टका तर्फबाट श्रेष्ठलाई बाँकी कार्यकालको लागि नियुक्त गरेको कम्पनीद्वारा जारी विज्ञप्तिमा बताइएको छ ।
    त्यसैगरी स्वतन्त्र संचालक पदमा आनन्दकृष्ण ताम्राकारलाई नियुक्त गरिएको छ । ताम्राकार कृषि विकास बैंकबाट अवकाश प्राप्त रहेको विज्ञप्तिमा जनाइएको छ ।
    त्यसैगरी प्राध्यापक हिरेन्द्रमान प्रधान अध्यक्ष तथा प्रमुख कार्यकारी अधिकृत उद्धवराज थपलिया रहेको विज्ञप्तीमा भनिएको छ । संस्थाको कमलादीस्थित मुख्य शाखा कार्यालय तथा नयाँ सडकस्थित शाखा कार्यालय सञ्चालनमा रहेको पनि विज्ञप्तिमा उल्लेख छ ।
    हाल संस्थामा ७ जना संचालक समिति रहेका छन् । जसमा अध्यक्ष प्रा. हिरेन्द्रमान प्रधान, चन्द्रकुमार राई, दिप्रश शाक्य, राजन प्रजापति, लक्ष्मी महर्जन, रोजिना श्रेष्ठ र आनन्दकृष्ण ताम्राकारसहितको संचालक समिति रहेको जनाएको छ ।

    प्रतिकृया दिनुहोस्