काठमाडौं । रिलायबल नेपाल लाईफ इन्स्योरेन्स तेस्रो वर्ष पूरा गरी आजबाट चौथो वर्षमा प्रवेश गरेको छ । चौथो वार्षिकोत्सवको अवसरमा कम्पनीले दीर्घकालीन समृद्धिमा जोड दिँदै बोनस दरमा केन्द्रित हुने प्रतिबद्धता जनाएको छ ।
चौथो वर्ष प्रवेश गरेको अवसरमा रिलायबल लाईफ कम्पनीका सीईओ नारायणबाबु लोहनीले भने, ‘हाम्रो अबको लक्ष्य डिजिटल प्रविधिमैत्री अपनाउनु, नेटवर्क बृद्धि गर्दै अघि बढ्नु र दक्ष जनशक्तिमार्फत दीर्घकालीन व्यापार बृद्धि अबको हाम्रो लक्ष्य हुनेछ ।’ सीईओ लोहनीले बोनस दर बृद्धि गराउन भूमिका निर्वाह गर्ने बताएका छन् । लोहनीले लगानी थप व्यवस्थिति गर्दै बोनसदर बृद्धि हुने गरी अघि बढ्ने चौथो वर्ष प्रवेशको अवसरमा कम्पनीको तर्फबाट प्रतिबद्धता व्यक्त गरेका छन् ।
कम्पनीले चौथो वर्ष प्रवेशको अवसरमा देशैभरि विविध कार्यक्रम गरेको छ । सामाजिक उत्तरदायित्वअन्तर्गत देशका सातवटै प्रदेशका विभिन्न ठाउँहरुमा सहयोगहरु वितरण गरेर बार्षिकोत्सव मनाइएको कम्पनीका सिनियर म्यानेजर शैलेन्द्र श्रेष्ठले बताए । कम्पनीले सहज भएका ठाउँमा कार्यक्रम गरेर वार्षिकोत्सव मनाएको जनाइएको छ । त्यस्तै, चौथो वर्ष प्रवेश गरेको अवसरमा काठमाडौं केन्द्रीय कार्यालयले फुड बैंकमा खाद्यान्न सहयोग गरेको कम्पनीले जनाएको छ ।
२०७४ साल भदौं १५ गतेबाट कारोबार सुरु गरेको रिलायबल लाईफ इन्स्योरेन्स कम्पनी सबैभन्दा धेरै बीमा पोलसी जारी गर्दै पहिलो बन्न सफल भएको छ । त्यस्तै मुनाफाको आधारमा पनि रिलायबल नेपाल लाईफ इन्स्योरेन्स निकै अगाडि अर्थात छैटौं स्थानमा छ भने गत वर्ष कम्पनीले एक अर्ब ५७ करोड खुद बीमा शुल्क आर्जन गरेको थियो । कम्पनीले जीवन बीमा कोषमा एक अर्ब १७ करोड संचित गरेको छ । गत आर्थिक वर्षको साधारणसभा सम्पन्न गरेपछि आईपिओ जारी गर्ने प्रक्रियामा कम्पनी अघि बढ्ने छ ।
रिलायबल लाईफ इन्स्योरेन्स चौथो वर्षमा प्रवेश
आर्थीकसंसार संवाददाता१५ भदौ, २०७७
१५ भदौ, २०७७- सानिमा रिलायन्सले कर्मचारीको ज्ञान र क्षमता विकास गर्न गर्यो प्रशिक्षण कार्यक्रम
- राष्ट्रिय वाणिज्य बैंकद्वारा बाढीपहिरो र डुबानबाट प्रभावित तथा पीडितको सहायताका लागि दुई करोड रुपैंया आर्थिक सहयोग प्रदान
- लाभांश वितरण गर्दै फरवार्ड माइक्रोफाइनान्स
- ज्योति विकास बैंकका ग्राहकलाई चितवनको जंगल भिल्ला रिसोर्टमा छुट
- बाढी-पहिरो पीडितलाई सहयोग गर्न एमाले सांसदहरूले आधा महिनाको पारिश्रमिक दिने
- सन नेपाल लाइफ इन्स्योरेन्सको लगनखेल शाखा स्थानान्तरण
- आईसीएफसी फाइनान्सका ग्राहकलाई बुद्ध एयरमा आकर्षण छुट
- नख्खु बाढीमा पसी बगाएकालाई बचाउने तामाङलाई प्रभु महालक्ष्मी लाइफको सम्मान
- सिटिजन लाइफका कर्मचारीलाई व्यक्तित्व विकास तालिम
- मजदुरबाट आफ्नै सफारीको मालिक बने १० परिवार