News Portal

  • जाल्पा सामुदायिक लघुवित्तले माघ २१ गतेदेखि आइपिओ निष्काशन गर्दै

    आर्थीकसंसार संवाददाता
    ५७४ पटक

    काठमाडौं । जाल्पा सामुदायिक लघुवित्त वित्तीय संस्थाले माघ २१ गतेदेखि सर्वसाधारणका लागि प्राथमिक शेयर निष्काशन गर्ने भएको छ । संस्थाले पहिलो चरणमा माघ २५ गतेसम्म निष्काशन गर्नेछ । संस्थाले सर्वसाधारण समुहको ५ लाख २२ हजार कित्ता मध्ये ८ हजार कित्ता कर्मचारीहरुका लागि र २६ हजार १०० कित्ता सामुहिक लगानीकोष म्युचुअल फण्डका लागि सुरक्षित गरिएको छ । कर्मचारी र म्युचुअल फण्डका लागि सुरक्षित गरेर बाँकी रहेको ४ लाख ८७ हजार ९०० कित्ताका लागि भने सर्वसाधारण लगानीकर्ताले आवेदन दिन पाउने छन् ।
    सर्वसाधारण लगानीकर्ताले न्युनतम १० कित्तादेखि अधिकतम ५२२० कित्तासम्मको लागि आवेदन दिन सक्ने छन् । सर्वसाधारण तर्फको ४ लाख ८७ हजार ९०० कित्ताबाट ४७ हजरा ७९० जनाले मात्रै १०/१० कित्ता शेयर प्राप्त गर्ने भएकाले १० कित्ता भन्दा धेरैको आवेदन दिनु पर्ने देखिदैन । साविकका आइपिओ निष्काशनका २२/२३ लाख भन्दा धेरैको आवेदन पर्ने गरेको थियो । आवेदकले आस्वा सुविधा प्रदान गर्ने सम्पुर्ण बैंक तथा वित्तीइ संस्थाका साथै मेरो शेयरको अनलाइन एप्लिकेसनबाट पनि आवेदन दिन सक्नेछन् ।
    प्राथमिक शेयर निष्काशन पछि संस्थाको चुक्ता पूँजी १६ करोड रुपैयाँ पुग्नेछ । जसमा संस्थापक समुहको ६७.३७ प्रतिशत र सर्वसाधारण समुहको ३२.६२ प्रतिशत हुनेछ ।

    प्रतिकृया दिनुहोस्