काठमाडौं । सन नेपाल लाइफ इन्स्योरेन्स कम्पनीले नयाँ बोनसदर सार्वजनिक गरेको छ । इन्स्योरेन्सले माघ ७ गते सूचना प्रकाशित गर्दै आर्थिक वर्ष २०७६/७७ को नयाँ बोनसदर घोषणा गरेको हो ।
उक्त नयाँ बोनस दरअनुसार कम्पनीका बीमितले प्रति हजार न्युनतम १८ रुपैयाँदेखि अधिकतम ७५ रुपैयाँसम्म बोनस पाउने भएका छन् । इन्स्योरेन्सले ४ वटा बीमालेखका बीमितलाई प्रति हजार अधिकतम ७५ रुपैयाँसम्म बोनस वितरण गर्ने निर्णय गरेको छ । जसमा सनलाइफ सावधिक जीवन बीमालेख, भाग्योदय जीवन बीमालेख (एकल भुक्तानी सावधिक), बाल समृद्ध जीवन बीमालेख (बालबालिकाको सावधिक जीवन बीमा र नवीन आजीवन बीमालेख –सावधिक तथा आजीवन) रहेका छन् ।
सबैभन्दा कम धनञ्जय वार्षिक अग्रिम भुक्तानी जीवन बीमाका बीमितले न्यूनतम १८ रुपैयाँ पाउने भएका छन् । उक्त बीमाका बीमितले अधिकतम भने प्रतिहजार ३० रुपैयाँ बोनस पाउने छन् ।
सनलाइफ सावधिक जीवन बीमालेखमा कम्पनीले न्युनतम प्रतिहजार ३० रुपैयाँदेखि ७५ रुपैयाँसम्मको बोनसदर घोषणा गरेको छ । जसमा ९ वर्षदेखि १४ वर्ष अवधिको लागि ३० रुपैयाँ, १५ देखि १९ वर्ष अवधिको लागि प्रति हजार ४० रुपैयाँ, २० देखि २४ वर्ष अवधिको लागि प्रति हजार ६० रुपैयाँ र २५ वर्ष वा सो भन्दा बढी अवधिको लागि भने प्रतिहजार ७५ रुपैयाँ बोनस तोकिएको छ ।
भाग्योदय जीवन बीमालेख (एकल भुक्तानी सावाधिक)का बीमितलाई इन्स्योरेन्सले न्युनतम ३० रुपैयाँदेखि ७५ रुपैयाँसम्म बोनस दिने भएको छ । जसमा ९ वर्षदेखि १४ वर्ष अवधिसम्मको लागि प्रतिहजार ३० रुपैयाँ, १५ देखि १९ वर्ष अवधिसम्मको लागि ४० रुपैयाँ, २० देखि २४ वर्ष अवधिसम्मको लागि ६० रुपैयाँ र २५ वर्षभन्दा माथि अवधिका लागि प्रतिहजार ७५ रुपैयाँसम्म बोनसदर कायम भएको छ ।
अर्को बाल समृद्ध जीवन बीमालेख (बालबालिकाको सावाधिक बीमा) मा पनि कम्पनीले न्युनतम ३० रुपैयाँदेखि ७५ रुपैयाँसम्म बोनसदर कायम गरेको छ । कम्पनीले १० देखि १४ वर्ष अवधिको लागि ३० रुपैयाँ, १५ देखि १९ वर्ष अवधिको लागि ४० रुपैयाँ, २० देखि २४ वर्ष अवधिको लागि ६० रुपैयाँ र २५ वर्ष वा सोभन्दा माथि अवधिको लागि प्रतिहजार ७५ रुपैयाँ बोनसदर कायम गरिएको छ ।
इन्स्योरेन्सले सञ्चालन गरिरहेको नवीन आजीवन जीवन बीमा (सावाधिक तथा आजीवन) का बीमितले पनि न्युनतम ३० रुपैयाँदेखि ७५ रुपैयाँसम्म बोनस पाउने भएका छन् । इन्स्योरेन्सले १४ वर्ष अवधिको लागि ३० रुपैयाँ, १५ देखि १९ वर्ष अवधिको लागि ४३ रुपैयाँ, २० देखि २४ वर्षको लागि ६० रुपैयाँ र २५ वर्ष वा सोभन्दा माथि अवधिको लागि प्रतिहजार ७५ रुपैयाँ बोनसदर तोकिएको छ ।
यता सार्थक आजीवन जीवन बीमालेख (अग्रिम भुक्तानी तथा आजीवन) का सबै बीमा अवधि (१५) का बीमितले प्रतिहजार ३८ रुपैयाँ बोनस पाउने छन् ।
त्यस्तै, सिमित अवधि भुक्तानी तथा अग्रिम भुक्तानी सावाधिक बीमा योजनाहरु (धनलक्ष्मी बीमा योजना समेत) को बीमालेखमा कम्पनीले प्रतिहजार न्यूनतम २० र अधिकतम ३० रुपैयाँ बोनद निर्धारण गरेको छ । जसमा १० देखि १४ वर्ष अवधिको लागि प्रतिहजार २० रुपैयाँ, १५ देखि १९ वर्ष अवधिको लागि २५ रुपैयाँ र २० वर्ष वा सो भन्दा माथि अवधिको लागि ३० रुपैयाँ बोनसदर रहेको छ ।
इन्स्योरेन्सले धनञ्जय वार्षिक अग्रिम भुक्तानी जीवन बीमा योजनाको हकमा न्यूनतम १८ र अधिकतम ३० रुपैयाँ बोनसदर निर्धारण भएको छ । जसमा १ देखि ९ वर्ष अवधिको लागि १८ रुपैयाँ, १० देखि १४ वर्ष अवधिको लागि प्रतिहजार २० रुपैयाँ, १५ देखि १९ वर्ष अवधिको लागि २५ रुपैयाँ र २० वर्ष वा सोभन्दा माथि अवधिको लागि प्रतिहजार ३० रुपैयाँ बोनसदर तोकिएको छ ।
नियामक निकाय बीमा समितिले कम्पनीको आर्थिक वर्ष २०७६÷७७ को आर्थिक लेखाजोखा र दायित्वको मूल्याङ्कन सम्बन्धी बीमाङकीय प्रतिवेदन स्वीकृत गरेसँगै इन्स्योरेन्सले नयाँ बोनसदर सार्वजनिक गरेको हो । जुन, समितिबाट अर्को वर्षको बीमाङ्कीय मूल्याङ्कन स्वीकृत नभएसम्मका लागि कायम हुने इन्स्योरेन्सले जनाएको छ ।
सन नेपाल लाईफको नयाँ बोनसदर सार्वजनिक
आर्थीकसंसार संवाददाता७ माघ, २०७८
७ माघ, २०७८- सन नेपाल लाइफद्वारा सामाजिक उत्तरदायित्व कार्यक्रम
- सन नेपाल लाइफद्वारा घातक रोग बीमा दाबी भुक्तानी
- महिला लघुवित्तको करिब २ लाख कित्ता शेयर बिक्रीमा, न्यूनतम मूल्य कति ?
- उत्पादत्व वृद्धिका लागि परम्परागत पद्धति परित्याग गर्न मन्त्री चौधरीको सुझाव
- अग्राधिकार शेयरः प्राथमिक पुँजी कोष दबाबमा रहेका बैंकहरुलाई उत्तम विकल्प
- शून्य मौज्दातका निष्क्रिय खाता बन्द गर्दै महालक्ष्मी विकास बैंक
- ग्लोबल आइएमई बैंकले ओपेक फण्डबाट २५ मिलियन डलर ऋण लिँदै, साना व्यवसाय प्रर्वद्धन गरिने
- सन नेपाल लाइफद्वारा घातक रोग बीमा दाबी भुक्तानी
- होटल हिमालयमा प्रभु बैंकका ग्राहकलाई छुट
- हिमालयन एभरेष्ट इन्स्योरेन्सका सीईओ पदमुक्त