News Portal

  • बैंक अफ काठमाण्डूको सिइओमा श्रवण लाल मास्के नियुक्त

    आर्थीकसंसार संवाददाता१७ कार्तिक, २०७८
    ९४९ पटक
    १७ कार्तिक, २०७८

    काठमाडौं । बैंक अफ काठमाण्डु लिमिटेडले बैंकको प्रमुख कार्यकारी अधिकृत (सिइओ)मा श्रवण लाल मास्के नियुक्त गरेको छ । बैंकको कार्तिक १७ गते बुधबार बसेको सञ्चालक समितिको बैठकले मास्केलाई सिइओमा नियुक्त गरेको हो ।
    नवनियुक्त बैंकका प्रमुख कार्यकारी अधिकृत मास्के विगत ३ महिना अघिदेखि बैंकको कामु प्रमुख कार्यकारी अधिकृतको रुपमा बैंकको नेतृत्व गर्दै आएका थिए ।
    सन् १९८५ मा नबिल बैंकबाट बैंकिङ्ग क्षेत्रमा प्रवेश गरेका मास्केसँग तीन दशकभन्दा बढीको बैंकिङ्ग क्षेत्रको अनुभव रहेको छ ।
    नवनियुक्त बैंकका प्रमुख कार्यकारी अधिकृत मास्केले आफ्नो कार्यकालमा बैंक अफ काठमाण्डूलाई थप सबल, सफल तथा अझै सुदृढ बैंकको रुपमा स्थापित गराउन आफ्नो प्रमुख भुमिका रहने बताएका छन् ।
    बैंक अफ काठमाण्डूले ९१ शाखा कार्यालयहरु, ८१ एटिएम र १० एक्स्टेन्सन काउन्टरबाट आफ्ना ग्राहकलाई बैंकिङ्ग सुविधा प्रदान गर्दै आईरहेको छ ।

    प्रतिकृया दिनुहोस्