काठमाडौं । ई–सेवा मनी ट्रान्सफर र शाइन रेसुङ्गा डेभलपमेण्ट बैंकबीच रेमिट्यान्स् भुक्तानी सम्झौता भएको छ । यस सम्झौतासँगै अब विदेशबाट इसेवामनी ट्रान्सफरमार्फत पठाएको रेमिट्यान्स् शाइन रेसुङ्गा डेभलपमेण्ट बैंकका नेपालमा रहेका कुनै पनि शाखा कार्यालयबाट भुक्तानी गर्न सकिनेछ ।
यसैगरी यस बैंकका खाता सञ्चालन भएका सम्पूर्ण ग्राहकहरुले विदेशबाट पठाएको रेमिट्यान्स सिधै आफ्नो बैंक खातामा प्राप्त गर्न सकिनेछ । शाइन रेसुङ्गा स्मार्ट अर्थात यस बैंकको मोबाइल बैंकिङ्ग एप प्रयोग गरेर इसेवा मनी ट्रान्सफरमार्फत नेपालभरी रहेका इसेवाका नेटवर्कमार्फत जुनसुकै ठाउँमा रेमिट्यान्स पठाउन र जुनसुकै ठाउँवाट पठाएको रकम प्राप्त गर्न सकिनेछ ।
सम्झौतामा इसेवा मनी ट्रान्सफरका प्रबन्ध निर्देशक अजेस कोइराला र शाइन रेसुङ्गा बैंकका प्रमुख कार्यकारी अधिकृत प्रकाश पौडेलले हस्ताक्षर गरेका थिए ।
यस सम्झौता बमोजिम विदेशमा रहेका नेपालीहरुले सिधै शाइन रेसुङ्गा डेभलपमेण्ट बैंकको खातामा पैसा पठाउन सकिनेछ र नेपालमा रहेका बैंकका ग्राहकहरुले सेवा उपभोग गर्न बैंकको मोबाइल एप डाउनलोड गरी त्यहाँ रहेको रेमिट्यान्स आइकनमा जानु पर्ने हुन्छ ।
लुम्बिनी प्रदेशको बुटवलमा प्रधान कार्यालय रहेको साइन डेभलपमेण्ट बैंकको हाल नेपालभरर कुल ८० वटा शाखा कार्यालय र एकवटा एक्सटेन्सन कार्यालय तथा ७ वटा एटिएम रहेका छन् ।