काठमाडौं । सिडिएस एण्ड क्लियरिङ लिमिटेडको प्रमुख कार्यकारी अधिकृत (सीईओ)मा पूर्व बैंकर पूर्णप्रसाद आचार्य नियुक्त भएका छन् । उनलाई नेपाल स्टक एक्सचेन्जको बसेको सञ्चालक समितिको बैठकले सीईओमा नियुक्त गर्ने निर्णय गरेको हो ।
इलाम घर भएका आचार्य कृषि विकास बैंकको पूर्व डेपुटी सीईओ समेत हुन् । आचार्य सो बैंकका अवकाश प्राप्त कर्मचारी हुन् । उनले अब सिडिएससीमा आगामी ४ वर्षको लागि नेतृत्व गर्नेछन् ।
छनौट समितिले आइतबार कृष्ण गिरी, भीष्म चालिसे र उनै आचार्यको नाम सिफारिस गरेको थियो । सीईओका लागि आवेदन भने ७ जनाले दिएका थिए । सीईओका लागि पूर्णप्रसाद आचार्य, कृष्ण गिरी, भीष्मराज चालिसे, मानबहादुर खत्री, दिनेशकुमार बर्तौला, डिल्लीप्रसाद चौधरी, कृष्ण लामिछानेले आवेदन दिएका थिए । सञ्चालक समितिले भने तीमध्ये कृष्ण गिरी, भीष्म चालिसे र पूर्णप्रसाद आचार्यको नाम सिफारिस गरेको थियो । तीन जनामा आचार्य सीईओमा नियुक्त भएका हुन् । पूर्व प्रमुख कार्यकारी अधिकृत देवप्रकाश गुप्ताको कार्यकाल गत असोज ९ मा सकिएपछि सीईओका लागि खुल्ला आवेदन गरिएको थियो ।
