आर्थीकसंसार संवाददाता१४ असोज, २०७८
१४ असोज, २०७८काठमाडौं । सिन्धु विकास बैंकका प्रमुख कार्यकारी अधिकृत (सीईओ) रमेशप्रसाद जोशीले राजीनामा दिएका छन् । उनले आफ्नो व्यक्तिगत कारणले संस्थाको सीईओ पदबाट राजीनामा दिएका हुन् ।
उनले दिएको राजीनामालाई संस्थाको सञ्चालक समितिको बैठकले कार्तिक १ गतेदेखि लागू हुने गरी स्वीकृत गरेको हो ।
साथै, उक्त बैठकले बैंकका नायब प्रमुख कार्यकारी अधिकृत रामकुमार गिरीलाई कायम मुकाय प्रमुख कार्यकारी अधिकृत (कामु सीईओ)को जिम्मेवारी दिने निर्णय गरेको छ । यससँगै, गिरीले कार्तिक १ गतेदेखि लागू हुने गरी अर्को व्यवस्था नभएसम्मको लागि बैंकको कामु सीईओको कार्यभार सम्हाल्ने छन् ।
