News Portal

  • नेपाल फाइनान्सको २८औं साधारणसभा सम्पन्न

    आर्थीकसंसार संवाददाता२७ भदौ, २०७८
    ६६६ पटक
    २७ भदौ, २०७८

    काठमाडौं । नेपाल फाइनान्सको २८औं वार्षिक साधारण सभा सम्पन्न भएको छ । सभा कम्पनीको बिहान ११ बजे केन्द्रीय कार्यालय कमलादीमा भर्चुअल माध्यमबाट सम्पन्न भएको कम्पनीले जनाएको छ ।
    कम्पनीले असोज १० गते सम्पन्न वार्षिक साधारणसभाबाट पारित १ः १.७५ को अनुपातमा हकप्रद शेयर निष्काशन गर्ने निर्णय परिमार्जन गरी ललितपुर फाइनान्सलाई प्राप्तिपछि कायम चुक्ता पुँजीको १ः०.७० को अनुपातमा हकप्रद शेयर निष्काशन गर्ने प्रस्ताव सभामा पेश गरी पारित गरेको छ ।
    सभाले अन्य बैंक तथा वित्तीय संस्थालाई गाभ्ने गाभिने तथा एक्विजिशन गर्ने प्रक्रिया अगाडि बढाउनका लागि सञ्चालक समितिलाई अख्तियारी प्रदान गर्ने प्रस्ताव पनि पारित गरेको छ ।
    त्यसैगरी सभामा लेखा परिक्षण प्रतिवेदनसहितको आर्थिक वर्ष २०७६/७७ को वासलात, नाफा, नोक्सान, हिसाब तथा नगद प्रवाहको बारेमा छलफल गरेको छ । ललितपुर फाइनान्स कम्पनी प्राप्तिपछि कम्पनीको चुक्ता पुँजी ४९ करोड ३४ लाख ९६ हजार ४०० पुगेको छ । ७० प्रतिशत हकप्रद शेयर निष्काशनपछि कम्पनीको चुक्ता पुँजी ८३ करोड ८९ लाख ४३ हजार पुग्नेछ ।

    प्रतिकृया दिनुहोस्