काठमाडौं । सनराइज बैंकले देशको ३ स्थानमा शाखारहित बैकिङ्ग सेवा विस्तार गरेको छ ।
बैंकले बाँके जिल्लाको बैजनाथ गाउँपालिका–३ नौबस्तामा ८५औं, रौतहट जिल्लाको चन्द्रपुर नगरपालिका–९ चेतनगर विर्तामा ८६औं र सिरहा जिल्लाको सुखिपुर नगरपालिका–५ लडकन्हामा ८७औं शाखारहित बैंकिङ्ग सेवा विस्तार गरेको हो ।
बैंकले यी तीनै स्थानको सेवा सञ्चालनका लागि नौवस्ताका राम सिंह थारु, चेतनगर विर्ताका शैलेन्द्र चौधरी र लडकन्हाका स्थानीय व्यवसायी सुधिरकुमार साहलाई व्यवसायिक प्रतिनिधिका रुपमा नियुक्त गरेको छ ।
सो शाखारहित बैंकिङ्गबाट निक्षेप संकलन, रकम भुक्तानी, रकम स्थानान्तरण, बिल भुक्तानीलगायत बैंकले प्रदान गर्ने अन्य सेवा समेत उपलब्ध गराइने बैंकले जनाएको छ ।
बैंकिङ्ग पहुँच नपुगेका देशका विभिन्न स्थानमा अत्याधुनिक बैंकिङ्ग सुविधा पुर्याउने उद्देश्यले शाखारहित बैंकिङ्ग सेवा विस्तार गर्दै आएको छ ।
बैंकले हाल १३९ वटा शाखा, १२ वटा एक्सटेन्सन काउण्टर, १६१ वटा एटीएम र ८७ वटा शाखारहित बैंकिङ्ग सेवामार्फत सेवा प्रदान गर्दै आइरहेको छ ।