काठमाडौं । ग्लोबल आइएमई बैंक लिमिटेडले केही शाखा कार्यालयहरूको आन्तरिक सजावट तथा स्थिर सम्पत्तिहरू बिक्री गर्ने भएको छ । बैंकले आज एक सूचना जारी गर्दै यस्तो बताएको हो ।

बैंकले गोठाटार शाखा कागेश्वरी मनोहरा ०९, काठमाडौं, भलवारी शाखा तिलोत्तमा कराहिया ०९, रुपन्देही र जनकपुर शाखा
जनकपुरधाम उपमहानगरपालिका १७, धनुषा शाखा कार्यालयका आन्तरिक सजावट तथा त्यहाँ रहेका स्थिर सम्पत्तिहरु यथास्थितिमा बिक्री गर्नु पर्ने भएको जनाएको छ ।

बैंक तथा वित्तीय संस्था, बीमा कम्पनी, सहकारी संस्था तथा अन्य कार्यालय प्रयोजनको लागि समेत उपयुक्त रहेको कार्यालय खरिद गर्न इच्छुक संघ संस्थालाई यो सूचना प्रकाशित भएको मितिले ७ दिन भित्र खरिद गर्न चाहेको मूल्य सहितको प्रस्ताव बैंकको कमलादी स्थित कार्यालयको सामान्य सेवा विभागमा पेश गर्न अनुरोध गरेको छ ।