आर्थीकसंसार संवाददाता२ साउन, २०८२
२ साउन, २०८२काठमाडौं । सिटिजन लाईफ इन्स्योरेन्स लिमिटेडले गत आर्थिक वर्ष २०८१।८२ मा ७ अर्ब ५१ करोड रूपैयाँ कुल बीमाशुल्क संकलन गरेको छ।
इन्स्योरेन्सले अघिल्लो आर्थिक वर्ष २०८०।८१ को तुलनामा कुल बीमाशुल्क २०.८३ प्रतिशतले वृद्धि भएको छ। अघिल्लो आवमा ६ अर्ब २१ करोड ५३ लाख रूपैयाँ कुल बीमाशुल्क संकलन गरेको थियो। अघिल्लो आवमा कुल बीमाशुल्क आम्दानी जम्मा ५ प्रतिशतले वृद्धि भएको थियो।
इन्स्योरेन्सले गत आवमा वैदेशिक रोजगारी बीमालेखको बीमाशुल्क समेत २ अर्ब ३८ करोड रूपैयाँ प्रथम बीमाशुल्क आम्दानी गरेको छ । अघिल्लो आर्थिक वर्ष २०८०।८१ मा १ अर्ब ९६ करोड रूपैयाँ प्रथम बीमाशुल्क संकलन गरेको थियो। प्रथम बीमाशुल्क आम्दानी २१.४२ प्रतिशतले वृद्धि भएको थियो।
