आर्थीकसंसार संवाददाता१६ असार, २०८२
१६ असार, २०८२काठमाडौं । ग्लोबल आइएमई बैंकले पुराना एटिएम मेसिन बिक्री गर्ने भएको छ । बैंकले विभिन्न ठाउँमा रहेका पुराना १० वटा एटिएम मेसिन बिक्रीमा राखेको जनाएको छ ।
बैंकको कमलादी स्थित कार्यालय परिसरमा रहेका ७ थान, अनामनगर स्थित गोदाममा रहेका २ थान र अनामनगर शाखा कार्यालयमा रहेको १ थान गरी कुल १० थान पुराना एटिएम मेसिन बिक्रीमा राखेको हो ।
एटिएम मेसिनहरू जे जस्तो अवस्थामा छ सोही अवस्थामा बिक्री गरिने बैंकले जनाएको छ । सो मेसिनहरू खरिद गर्न इच्छुक व्यक्ति तथा संस्थाले ७ दिनभित्र बोलपत्र पेश गर्नुपर्नेछ । बोलपत्र स्वीकृत गर्ने वा नगर्ने सम्पूर्ण अधिकार बैंकमा निहीत रहने जनाएको छ ।
