१३ भदौ, २०८१काठमाडौं । एनआईसी एशिया बैंकले यती एयरलाइन्ससँगको सहकार्यमा स्काई क्लब कार्ड सार्वजनिक गरेको छ । भिषाको ब्रान्डेडको रुपमा आएको यो कार्ड यती एयरलाइन्स तथा कम्पनीका सम्पूर्ण ग्राहकहरूले प्राप्त गर्न सक्ने छन् ।
उक्त कार्डको प्रयोग गरेर एयरलाइन्सको टिकट खरिद गर्दा १० प्रतिशत छूटसहित अन्य सुविधाहरू उपलब्ध हुने गरी दुबै पक्ष बीच समझदारी भएको कम्पनीले जनाएको छ ।
एयरलाइन्सका विभिन्न काउन्टरमा यो कार्ड देखाएर टिकट काट्दा समेत उक्त छूट उपलब्ध हुनेछ । साथै, उक्त कार्डको प्रयोग गरेवापत देशभरका विभिन्न होटल, रेष्टुरेन्ट, अस्पताल र यती एयरलाइन्सको स्काई क्लव कार्डमा उपलब्ध हुने सम्पूर्ण सुविधा एवं छूटहरू प्राप्त गर्न सक्ने बैंकले जनाएको छ ।
यो कार्ड लिनका लागि बैंकको शाखा कार्यालयमा पुगेर आवेदन दिनु पर्नेछ । यो सम्झौतापछि टिकट खरिदमा अधिकतम छूटका अलावा विभिन्न सेवाहरूमा विशेष छूट पनि प्राप्त हुने बैंकको भनाइ छ ।