काठमाडौं । स्वस्तिक लघुवित्त वित्तीय संस्थाले निःशूल्क स्वास्थ्य शिविर सञ्चालन गरेको छ । संस्थाले शनिवार नवराजपुरको मझौरमा एक दिने निःशूल्क स्वास्थ्य शिविर सञ्चालन गरेको छ ।

संस्थाको आर्थिक सहयोगमा लहान सिटी जेसीज द्वारा एक दिने निःशूल्क स्वास्थ्य शिविर सञ्चालन भएको जनाइएको छ । विहान ९ बजेबाट सञ्चालन भएको शिविर अपरान्ह ४ बजे समाप्त गरिएको थियो ।

साथै स्वस्तिक लघुवित्त वित्तीय संस्था लि। को विभागीय प्रमुख सन्तोष कुमार साह, वित्तविभागीय सहायक रमेश लाल कर्ण, भोटीयाटोल शाखाको शाखा प्रमुख स्वतन्त्र कुमार सिंह, त्यस शाखाको फिल्ड कर्मचारी प्रमोद यादव र कल्पना चौधरीको समेत सहभागिता रहेको थियो ।

उक्त कार्यक्रममा स्थानिय जनप्रतिनिधि नवराजपुर वडा नं २ को वडा अध्यक्ष सुरेश कुमार यादव प्रमुख अतिथिको रुपमा रहेका थिए । उक्त शिविरमा लहान सिटी जेसीजका अध्यक्ष जेसी उमेश कुमार यादव लगायतका अन्य पदाधिकारी तथा सदस्यहरुको उत्साहपूर्ण सहभागिता रहेको थियो ।