काठमाडौं । नेपाल राष्ट्र बैंकले अर्धवार्षिक मौद्रिक समिक्षाका लागि राय सुझाव आह्वान गरेको छ । राष्ट्र बैंकले नेपाल राष्ट्र बैंक ऐन, २०५८ बमोजिम प्रत्येक वर्ष मौद्रिक नीति सार्वजनिक गर्दै आएको छ । चालु आर्थिक वर्षको समेत अर्धवार्षिक मौद्रिक समक्षाका लागि सरोकारवाला सम्पुर्ण पक्षहरु सँग सुझाव मागिएको हो ।
यस्तो सुझाव माघ २० गतेसम्म राष्ट्र बैंकको आर्थिक अनुसन्धान विभागमा इमेल मार्फत पठाउन सकिनेछ । अहिले गभर्नर महाप्रसाद अधिकारी अनुकुल अर्थमन्त्री छन् । अर्थमन्त्री र गभर्नर निरन्तर रुपमा छलफलमा छन् । यसले गर्दा गभर्नर अधिकारी यस अगाडीको सरकारको पालामा जस्तो निष्कृय अवस्थामा छैनन् । उनि अहिले पुरै सक्रिय अवस्थामा छन् ।
यस अगाडीको सरकारलाई हलो अड्काउदै आएका गभर्नर अधिकारीले अहिलेको सरकारलाई भने पुर्ण रुपमा सहजिकरण गर्दै आइरहेका छन् । अर्थमन्त्री पनि निरन्तर उद्योगी व्यवसायीहरु सँग नजिक भएर कुरा सुनिरहेका छन् । यसले पनि गभर्नर अधिकारीले मौद्रिक समिक्षामा सुझाव आह्वान गरेका हुन् ।